ރައީސް ސޯލިހު ހުޅުމާލޭ މެމްބަރުންގެ ގާތަށް!

ކުރިއަށް އޮތް އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާ ރައީސް އިބްރާހިމް މުޙައްމަދު ސޯލިހުގެ ހުޅުމާލެއަށް ވަޑައިގެން ކެމްޕެއިންގެ ކަންކަން ކުރިއަށް ދާގޮތް ބައްލަވާލައްވައިފިއެވެ

ރައީސް އިބްރާހިމް މުޙައްމަދު ސޯލިހުގެ ކެމްޕެއިން ޓީމުގެ ބައްދަލުވުމެއް މިރޭ ހުޅުމާލޭގައި ބޭއްވުމަށްވެސް ވަނީ ހަމަޖެހިފައެވެ.

ރައީސް@ibusolih ހުޅުމާލޭ މެންބަރުން ގާތަށް ދޮރުން ދޮރަށް #MDPKuriah ހުޅުމާލޭ ދޮރުން ދޮރަށް #Live#MDPKuriah #Ibu2023 pic.twitter.com/GxhXtqoSCO

— MDP Kuriah (@MDPKuriah) January 11, 2023

މި ބައްދަލުވުން ބޭއްވުމަށް ހަމަޖެހިފައިވަނީ، ހުޅުމާލެ ބްރައިޓްވޭ އިންޓަރނޭޝަނަލް ސުކޫލު ހޯލްގައެވެ.

މިއީ ހުޅުމާލޭގެ އެމްޑީޕީ މެމްބަރުންނާއި، ކެމްޕެއިން ޓީމްތަކާއި އެކު ބޭއްވުމަށް ހަމަޖެހިފައިވާ ބައްދަލުވުމެވެ.

މާލޭގައި ދިރިއުޅޭ އެމްޑީޕީގެ މެމްބަރުންނާއި، މާލޭގެ ކެމްޕެއިން ޓީމް ތަކާއި އެކު ބައްދަލުކުރެއްވުން ރޭ ދަރުބާރުގޭގައި ވަނީ ކުރިއަށް ގެންގޮސްފައެވެ.

މި ބައްދަލުވުމުގައި ރައީސް މައިގަނޑު ގޮތެއްގައި އަލިއަޅުއްވާލެއްވީ މާލޭގެ ބޯހިޔާ ވަހިކަމުގެ މައްސަލަ އަށެވެ. ރައީސް ވިދާޅުވީ މި އަހަރުގެ މެދު ތެރޭގައި ގުޅީފަޅުން، 5000 ގޯތި އިންކަނޑާ ވަކިކޮށް މާލޭގެ ރައްޔިތުންނާއި ހަވާލު ކުރާނެ ކަމަށެވެ.

ހަމައެހެންމެ، މާލެ އަތޮޅު ގިރާވަރު ފަޅު ހިއްކާ އެ ބިމުން މާލޭގެ ރައްޔިތުންނަށް ގޯތި ދިނުމުގެ ބިޔަ މަޝްރޫޢެއް ކުރިއަށްގެންދިއުމަށް ސަރުކާރުން ނިންމާފައިވާ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އިޢުލާންކުރެއްވީ މިދިޔަ އަހަރުގެ ރިޔާސީ ބަޔާނުގައެވެ. ރައީސުލްޖުމްހޫރިއްޔާ ވިދާޅުވީ ގިރާވަރު ފަޅު ހިއްކާ، މާލޭގެ ރައްޔިތުންނަށް ޚާއްސަކޮށް 2000 ގޯތި ދޫކުރާނެކަމަށް ރައީސް ވިދާޅުވިއެވެ

މި މަހުގެ 28 ގައި ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި، އެމްޑީޕީގެ ތާރީހުގައިވެސް އަންނާނެ އެންމެ ވާދަވެރި އެއް އިންތިހާބެވެ. ޕާޓީގެ ރައީސް، ރައީސް މުޙައްމަދު ނަޝީދާއި، ވާދަކުރައްވަނީ، މިހާރުގެ ރައީސުލްޖުމްހޫރިއްޔާ، އަދި ޕާޓީގެ އިސް ލީޑަރ އިބްރާޙިމް މުޙައްމަދު ސޯލިހެވެ. ވޯޓު ލުމަށް ކުޑަ ދުވަސްކޮޅަކަށްވެފައިވާއިރު، ދެ ބޭފުޅުންވެސް ގެންދަވަނީ ވަރަށް ފޯރީގައި ކެމްޕެއިން ކުރައްވަމުންނެވެ