އެޗްޑީސީ އިން ހުޅުމާލެއިން ދިރިއުޅުމަށް ބިންތަކެއް ވިއްކަން ހުޅުވާލައިފި

ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ހުޅުމާލެއިން ދިރިއުޅުމަށް ބިންތަކެއް ވިއްކަން ހުޅުވާލައިފިއެވެ.

އެޗްޑީސީ އިން ކުރި އިއުލާން ގައިވަނީ ބީލަމުގެ އުސޫލުން ވިއްކަން ހަމަޖެހިފައި ވަނީ 10 ބިމެއް ކަމަށެވެ.

އޭގެ ތެރޭގައި ހިމެނެނީ ބީޗް ފްރޮންޓުން ވިއްކާ 1،638 އަކަފޫޓުގެ ތިން ބިމަކާއި 1،559 އަކަފޫޓުގެ ބިމެއްގެ އިތުރުން 3،250 އަކަފޫޓުގެ ބިމެއް ކަމަށް އެޗްޑިސީން ބުނެއެވެ. މީގެ އިތުރުން، 1،534 އަކަފޫޓުގެ ފަސް ބިމަކާއި، 1،513 އަކަފޫޓުގެ ބިމެއްގެ އިތުރުން 1،230 އަކަފޫޓުގެ ބިމެއް ވިއްކަން ނިންމާފައިވާ ކަމަށް އެޗްޑީސީން ބުނެއެވެ.

އެޗްޑީސީން ބުނީ ބީޗް ފްރަންޓް ބިންތަކުގެ ބީލަން ފެށޭ އަގަކީ 4،500ރ. ކަމަށެވެ. އަދި ބީޗް ސައިޑުން ވިއްކާ ބިންތަކުގެ ބީލަން ފެށޭ އަގަކީ 4،000ރ. އެވެ.

މި ބިންތަކަށް ޝައުގުވެރިވާ ފަރާތްތަކުން ބިންތައް ގަންނަން ހުށަހަޅާނީ އެޗްޑީސީގެ ޕޯޓަލް މެދުވެރިކޮށް ކަމަށް ވެސް އެޗްޑީސީން ބުނެއެވެ.