ލޯން އެއްބަސްވުމެއްގެ ދަށުން ޗެލްސީގެ ޑިފެންޑަރ ވެއިގާ ޔުވެންޓަސްއަށް

ލޯން އެއްބްސްވުމެއްގެ ދަށުން ޗެލްސީގެ ޑިފެންޑަރ ރެނާޓޯ ވެއިގާ އިޓަލީގެ ޔުވެންޓަސްއަށް ބަދަލުވެއްޖެއެވެ.

މަޢުލޫމާތު ލިބޭގޮތުގައި ވެއިގާ ޔުވެންޓަސްއަށް ދޫކުރީ މިސީޒަންގެ ނިޔަލަށެވެ. ސްވިޓްޒަލެންޑްގެ ބަސެލްއިން ޗެލްސީއަށް 21 އަހަރުގެ ވެއިގާ ބަދަލުވީ 11 މިލިއަން ޕައުންޑަށެވެ. އިނގިރޭސި ޕްރިމިއަރ ލީގުގައި އޭނާ ކުޅެފައިވަނީ އެންމެ މެޗެކެވެ. ޕޯޗްގަލްގެ މި ކުޅުންތެރިޔާގެ ޓްރާންސްފަރ ފީގެ ގޮތުގައި ދައްކަންޖެހޭ 3 މިލިއަން ޕައުންޑް ޗެލްސީއަށް ދެއްކުމަށް ޔުވެންޓަސްއިންވަނީ އެއްބަސްވެފައެވެ.

ޗެލްސީގައި އޭނާ ކުޅެންޖެހޭ މަޤާމުގެ ގޮތުން ކުޅުންތެރިޔާގެ ހިތްހަމަނުޖެހުމެއް އުޅޭކަމަށްވެސް މީޑިއާތަކުން ރިޕޯޓްކޮށްފައިވެއެވެ. ޗެލްސީގެ ކޯޗްވެސް ބުނެފައިވަނީ އެއް މަޤަމަކަށް އަބަދު ކުޅޭނަމަ ކުޅުންތެރިޔާއަށްވެސް އުނދަގޫތަކެއް ހުންނާނެ ކަމަށާއި، އެކަން އަމިއްލައަށް މެނޭޖެކުރަން އެނގެން ޖެހޭނެކަމަށެވެ.

ޔުވެންޓަސް މިވަގުތު އޮތީ ސެރީއާ ތާވަލްގެ 5 ވަނައިގައެވެ.