އީރާނުގެ ހަމަލާތަކުގައި ޔަހޫދީންނަށް ލިބޭ ގެއްލުންތައް ސިއްރުކުރަން ފަށައިފި

މެދު އިރުމަތީގެ ހަނގުރާމަ އާއި ގުޅިގެން އީރާނުން ޔަހޫދީ އިސްރާއީލަށް ދެމުން އަންނަ ވަރުގަދަ ހަމަލާތަކުން ލިބޭ ގެއްލުންތައް ބައިނަލް އަގުވާމީ މީޑިޔާތަކުގައި ސިއްރުކުރަން ފަށާފައިވާ ކަމަށް ރިޕޯޓްތައް ބުނެފި އެވެ.

އިނގިރޭސިވިލާތުގެ މުހައްލިލެއްކަމަށްވާ ޖޯޖް ގެލަވީ ވިދާޅުވި ގޮތުގައި އެމެރިކާއާއި އިސްރާއީލުގެ ހަމަލާތަކުގައި އީރާނަށް ލިބެމުންދާ ގެއްލުންތަކާ އެއްވަރު ނުވިނަމަވެސް އީރާނުގެ ގަދަފަދަ މިސައިލްތަކުން އިސްރާއީލަށް ވެސް ދަނީ އާދަޔާ ޚިލާފު ބޮޑެތި ގެއްލުންތަކެއް ލިބެމުންނެވެ.

ގެލަވީ ވަނީ އޭނާގެ ރައްޓެހި އިސްރާއީލުގެ ވަރަށް ގިނަ އަދަދެއްގެ ރައްޓެހިންނަށް ގުޅައި އެގައުމަށް ލިބިފައިވާ ގެއްލުންތަކުގެ ތަފްސީލްތައްވެސް ބަލާފަ އެވެ. އަދި މިކަންކަމަކީ އެއްވެސް ވަރަކަށް ހާމަކޮށްފައިވާ މައުލޫމާތުތަކެއް ނޫންކަމަށްވެސް އޭނާ ވަނީ ބުނެފަ އެވެ.

އެހެން ކަމުން އިސްރާއީލުން އެގައުމަށް އީރާނުގެ ފަރާތުން ލިބެމުންދާ ނުރައްކާތެރި ހަމަލާތަކުން ލިބެމުން އަންނަ އިގްތިސާދީ ގެއްލުންތައް ވަނީ ސިއްރުކޮށްފައި ކަމުގައި ގެލަވީ ވަނީ ހާމަކޮށްފަ އެވެ.

އީރާނުގެ ހަމަލާތަކާއެކު އިސްރާއީލުގެ ވެރިކަން ކުރާ ޓެލްއަވީ އަށް ލިބިފައިވާ ގެއްލުންތަކާއެކު ގާޒާ އަށް އިސްރާއީލުން ދީފައިވާ ފަދަ ގޮތަކަށް މުޅި އެސަރަހައްދު ވަނީ ހަނަފަސް ސަހަރާއަކަށް ވެފަ އެވެ.