އިންޑޮނޭޝިއާގައިވެސް ކުޑަކުދިންނަށް ސޯޝަލް މީޑިޔާ ބޭނުން ކުރުން މަނާކުރަނީ

އިންޑޮނޭޝިއާގައިވެސް ކުޑަކުދިންނަށް ޝޯޝަލް މީޑިޔާ ބޭނުން ކުރުން މަނާ ކުރަން ނިންމާފައިވާ ކަމަށް އެގައުމުން ހާމަކޮށްފި އެވެ

ކުޑަ ކުދިންނަށް ސޯޝަލް މީޑިޔާ ބޭނުން ކުރުން ހުއްޓުވުމަށް ދާދި ފަހަކުން ވަނީ އިނގޭރި ވިލާތާއި، ފްރާންސް ގެ އިތުރުން އޮސްޓްރޭލިއާގައިވެސް މަނާކޮށްފަ އެވެ.

އިންޑޮނޭޝިއާގެ ކޮމިއުނިކޭޝަންސް އެންޑް ޑިޖިޓަލް މިނިސްޓަރު މެއުތުޔާ ހާފިދު ދެއްވި ވީޑިއޯ ބަޔާނެއްގައި ވިދާޅުވީ މިއަދު ނެރުނު ގަވާއިދެއްގެ ދަށުން 16 އަހަރުން ދަށުގެ ކުދިންނަށް ސޯޝަލް މީޑިއާ އެކައުންޓްތަކަށް ވަނުން ހަނި ވާނެ ކަމަށެވެ.

އަދި މި މަހުގެ 28 އިން ފެށިގެން "ހައި ރިސްކް ޕްލެޓްފޯމްތަކުގައި" 16 އަހަރުން ދަށުގެ ކުދިންގެ އެކައުންޓްތައް މަޑުމަޑުން ޑިއެކްޓިވޭޓް ކުރާނެ ކަމަށް މެއުޓިއާ ވިދާޅުވިއެވެ. އެ ޕްލެޓްފޯމްތަކުގެ ތެރޭގައި ޓިކްޓޮކް، ފޭސްބުކް، އިންސްޓަގްރާމް، އަދި ރޮބްލޮކްސް ހިމެނެއެވެ.

މިދިޔަ ޑިސެމްބަރު މަހުގެ 10 ވަނަ ދުވަހު އޮސްޓްރޭލިޔާގައި އުމުރުން 16 އަހަރުން ދަށުގެ ކުދިން ސޯޝަލް މީޑިޔާ ބޭނުންކުރުން މަނާކުރުމާ ގުޅިގެން، އެ އުމުރުފުރައިގެ ކުދިން ބޭނުން ކުރަމުންދިޔަ ފަސް މިލިޔަނެއްހާ ސޯޝަލް މީޑިޔާ އެކައުންޓު ފާއިތުވި އެއް މަސް ދުވަހުގެ ތެރޭގައި ޑީއެކްޓިވޭޓްކޮށްފަ އެވެ.

އޮސްޓްރޭލިޔާގެ އީ-ސޭފްޓީ ކޮމިޝަނަރު ވިދާޅުވީ ޤާނޫނު ތަންފީޒު ކުރަން ފެށި ފަހުން ތަފާތު ސޯޝަލް މީޑިޔާ ޕްލެޓްފޯމްތައް ހިމެނޭހެން މިހާތަނަށް 4.7 މިލިޔަން އެކައުންޓު ފުހެލާފައިވާ ކަމަށެވެ.

ފްރާންސް ގައި 15 އަހަރުން ދަށުގެ ކުޑަ ކުދިންނަށް ސޯޝަލް މީޑިޔާގެގެ ޒަރިއާއިން ބަލަން ނުޖެހޭ ނުވަތަ މަންޒަރާއި އަޑު ނުވަތަ ފޮޓޯ ފަދަ ތަކެތި އެ އުމުރުފުރައަށް ނުގުޅޭ ގޮތަށް ބެލުން މަނާ ކުރުމަށް ގާނޫނު ހަދާ މަޖިލީހަށް ހުށައެޅުމުން އެ ބިލަށް ވަނީ 116 މެންބަރުން ވަނީ ވޯޓު ދެއްވާފަ އެވެ.

އެ ބިލަށް ތާއީދު ނުކޮށް ވޯޓު ދެއްވާފައިވަނީ ޖުމްލަ 23 މެންބަރެކެވެ.