
ލ. ފޮނަދޫ
ފޮނަދޫ އަދި ތިމަރަފުށީގައި ސިޓީ ހޮޓާ އަޅަން ހުޅުވާލައިފި

އާމިނަތު ޝަޒްލާ - 21 ނޮވެމްބަރު 2026 - 12:41
ލ. ފޮނަދޫ އާއި ތ. ތިމަރަފުށީގައި ސިޓީ ހޮޓާ ތަރައްގީކޮށް ހިންގާނެ ބަޔަކު ހޯދުމަށް މިނިސްޓްރީ އޮފް ޓޫރިޒަމުން ބީލަމަށް ހުޅުވާލައިފިއެވެ. މިއީ ރާއްޖޭގެ އެކި ކަންކޮޅުތަކުގައި ފަތުރުވެރިކަން ފުޅާކޮށް، ލޯކަލް ޓޫރިޒަމްގެ ފުރުސަތުތައް އިތުރުކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން ހުޅުވާލި ފުރުސަތެކެވެ.
މިނިސްޓްރީ އޮފް ޓޫރިޒަމް އެންޑް ސިވިލް އޭވިއޭޝަނުން ކުރި އިއުލާނުގައި ބަޔާންކޮށްފައިވާ ގޮތުގައި، ސިޓީ ހޮޓަލެއް ތަރައްގީކޮށް ހިންގުމަށްޓަކައި ތިމަރަފުށިން ދޫކުރުމަށް ހަމަޖެހިފައިވަނީ 26،480.67 އަކަމީޓަރު (ސްކޮޔާ މީޓަރު) ގެ ބިމެކެވެ. މި ބިން 50 އަހަރު ދުވަހުގެ މުއްދަތަށް ކުއްޔަށް ދިނުމަށް ނިންމާފައިވާއިރު، ރާއްޖެއާއި ރާއްޖެއިން ބޭރުގެ އިންވެސްޓަރުންނަށް ވެސް މި ބީލަމުގައި ބައިވެރިވުމުގެ ފުރުސަތު ވަނީ ހުޅުވާލެވިފައެވެ.
މި މަޝްރޫއުތަކުގެ ދަށުން ބިޑް ކާމިޔާބުކުރާ ފަރާތްތަކަށް ހޮޓާ އިމާރާތްކޮށް، ޚިދުމަތް ދޭން ފެށުމަށް ލިބޭނީ ޖުމްލަ ދެ އަހަރު ދުވަހުގެ މުއްދަތެކެވެ. މީގެ އިތުރުން، ފޮނަދޫގައި ޓޫރިސްޓް ހޮޓާ ތަރައްގީ ކުރުމަށް ޝައުގުވެރިވާ ފަރާތްތަކުން ބީލަން ހުށަހެޅުމުގެ އެންމެ ފަހު ސުންގަޑިއަކީ އަންނަ އަހަރުގެ ޖެނުއަރީ މަހުގެ ހަތް ވަނަ ދުވަހުގެ ހެނދުނު 10:00 އެވެ.
މި ދެ ރަށުގެ މަޝްރޫއުގެ ވެސް ބިޑް ޑޮކިއުމެންޓް ވިއްކުމަށް ހަމަޖެހިފައިވަނީ އަންނަ އާދީއްތަ ދުވަހުން ފެށިގެން އަންނަ އަހަރުގެ ޖެނުއަރީ މަހުގެ 6 ވަނަ ދުވަހާ ހަމައަށެވެ. އެ މުއްދަތުގެ ތެރޭގައި ސަރުކާރު ބަންދު ނޫން ކޮންމެ ދުވަހަކު ހެނދުނު 9:00 އިން މެންދުރުފަހު 1:00 އަށް ޓޫރިޒަމް މިނިސްޓްރީން ބިޑް ފޮތް ގަންނަން ލިބޭނެ ކަމަށް އެ މިނިސްޓްރީން މައުލޫމާތު ދެއެވެ.
މިފަދަ ސިޓީ ހޮޓާތައް ގާއިމުކުރުމުގެ ސަބަބުން އެ އަތޮޅުތަކުގެ ޒުވާނުންނަށް ވަޒީފާގެ އައު ފުރުސަތުތައް ތަނަވަސްވެ، ކުދި އަދި މެދުފަންތީގެ ވިޔަފާރިތަކަށް އިތުރު ދިރުމެއް ލިބިގެންދާނެއެވެ. އަދި މީގެ އިތުރުން، ރަށު ފަތުރުވެރިކަން ކުރިއެރުމާއެކު ދަތުރުފަތުރުގެ ނިޒާމަށާއި، ކައިރި ރަށްރަށުގެ އިޖުތިމާއީ އަދި އިގްތިސާދީ ހާލަތަށް ވެސް ބޮޑެތި ހެޔޮ ބަދަލުތަކެއް އަންނާނެ ކަމަށް ބެލެވެއެވެ.
ގުޅުން ހުރި ޙަބަރުތައް
.webp&w=3840&q=75)
ހީނާ ގޯޅީގައި ހުރި އިމާރާތެއްގައި އަލިފާނުގެ ހާދިސާއެއް، އަލިފާން ނިއްވުމުގެ މަސައްކަތް ފަށައިފި
2 ގަޑިއިރު ކުރިން

ޑޮލަރުގެ މައްސަލަ ހައްލުނުކުރެވި އޮތް އިރު، ރަށްރަށުގައި ތަކެތީގެ އަގު އިންތިހާއަށް އުފުލިއްޖެ: ނަޝީދު
2 ގަޑިއިރު ކުރިން

ދައުލަތުގެ މުހިންމު އިމާރާތްތަކެއްގައި ހުޅުޖަހަން ގޮވާލި ޒިހާންގެ ބަންދަށް އިތުރު 16 ދުވަސް!
2 ގަޑިއިރު ކުރިން
.webp&w=3840&q=75)
ވިހަ ބަނގުރާ ބޮއިގެން އިންޑިއާގެ މަނީޕޫރުން 11 މީހުން މަރުވެއްޖެ
5 ގަޑިއިރު ކުރިން


