logo

އެމްޕީއެލްގެ އެމްޑީ ވަޖީހު މަޤާމުން ވަކޮށްފި

profile

އައިޝަތު އިބްރާހިމް - 02 ފެބްރުއަރީ 2025 - 17:31

މޯލްޑިވްސް ޕޯޓްސް ލިމިޓެޑްގެ އެމްޑީ މުހައްމަދު ވަޖީހު މަޤާމުން ވަކިކޮށްފިއެވެ.

https://wamco.com.mv/

މިކަން ހާމަކޮށް ޕީސީބީންކޮށްފައިވާ ޓުވީޓުގައިވަނީ މޯލްޑިވްސް ޕޯޓްސް ލިމިޓެޑްގެ މެނޭޖިން ޑިރެކްޓަރު ކަމުގެ މަޤާމުންނާއި ބޯޑު ޑިރެކްޓަރު ކަމުގެ މަޤާމުން ދަފްތަރު ނަންބަރު ރސ 4589، އަލްފާޟިލް މުޙައްމަދު ވަޖީހު އިބްރާހީމް، މިއަދު ވަނީ ވަކި ކުރެވިފަކަމަށެވެ.

މިކަމާއި ގުޅިގެން އެމްޕީއެލްގެ މީޑިޔާ އޮފިޝަލްއަަށް އަސްލުޓީވީން ގުޅުމުން މިކަން ވަނީ ކަށަވަރުކޮށްދެއްވާފައެވެ.

ވަޖީހު މަޤާމަށް އައްޔަންކޮށްފައިވަނީ 2023 ވަނަ އަހަރު ނޮވެމްބަރު މަހުގެ ތެރޭގައެވެ.

އެމްޕީއެލްގެ އެމްޑީގެ މަގާމަށް އައްޔަން ކުރުމުގެ ކުރިން ވެސް ވަޖީހު ވަނީ އެކުންފުނީގެ ގިނަ މަގާމުތަކެއް ކުރިން ފުރުއްވައިފައެވެ. އެގޮތުން 2013 އިން ފެށިގެން 2022 ވަނަ އަހަރާ ހަމައަށް އެމްޕީއެލްގެ އިސް މަގާމުތަކެއް އޭނާ ފުރުއްވި ބޭފުޅެކެވެ.

އޭގެ ތެރޭގައި އެކުންފުނީގެ އެސިސްޓެންޓް ޖެނެރަލް މެނޭޖަރު ކަމާއި ޖެނެރަލް މެނޭޖަރު ކަމާއި އެސިސްޓެންޓް ސީއީއޯކަން ވެސް ފުރުއްވައިފައެވެ.

އޭގެ ފަހުން އޭނާ ވަނީ މިފްކޯގެ ބޯޑް މެންބަރުކަން ވެސް ކުރައްވައިފައެވެ. އަދި ރާއްޖޭގެ ގިނަ ސްކޫލުތަކެއްގެ ޕްރިންސިޕަލްކަމުގެ މަގާމު ވެސް ފުރުއްވާފައިވާއިރު، އެޑިއުކޭޝަން މިނިސްޓްރީގެ ފައިނޭންސް ޑިޕާޓްމެންޓްގައި ވެސް އޭނާ މަސައްކަތް ކުރެއްވިއެވެ.

https://wamco.com.mv/
https://eportal.mwsc.com.mv/e-pay