ހައިވޭ އެކްސިޑެންޓުގައި ނިޔާވީ އިންޑިއާ ރައްޔިތެއް: ފުލުހުން

ސިނަމާލެ ބްރިޖާއި ގުޅިފައިވާ ހައިވޭގައި، ހުޅުމާލެއިން މާލެއަށް ދަތުރުކުރާ ފަޅީގެ އެއާޕޯޓު ލައިޓް ކައިރީގައި ނުރައްކާތެރި އެކްސިޑެންޓެއް ހިނގައި މީހަކު ނިޔާވެއްޖެއެވެ.

މިޙާދިސާގައި ނިޔާވެފައިވަނީ އުމުރުން 50 އަހަރުގެ ފިރިހެނެއް ކަމަށް ފުލުހުން ވަނީ ބުނެފަ އެވެ.

މި އެކްސިޑެންޓް ރޭ ހިނގާފައި މި ވަނީ ހުޅުމާލެ އިން މާލެ އަށް ދަތުރުކުރާ ފަޅިން ބާރު ސްޕީޑުގައި ދުއްވުމުގެ ސަބަބުން ކޮންޓްރޯލް ނުކުރެވިގެން ކަމަށް ފުލުހުން މައުލޫމާތު ދެއްވަ އެވެ.

މި ހާދިސާ އާޢި ބެހޭ ގޮތުން ފުލުހުން ބުނީ މި ހާދިސާ ހިނގައިގެން ފުލުހުންނަށް މި ކަމުގެ މައުލޫމާތު ލިބިފައި ވަނީ ރޭގެ 22:12 ހާއިރު ކަމަށެވެ.

މި ހާދިސާ ހިނގާފައިވާ ކަމަށް ބެލެވެނީ ބާރު ސްޕީޑުގައި ދުއްވަމުން އައި ސައިކަލެއް ކޮންޓްރޯލް ނުކުރެވިގެން ގޮސް ކަހާލައިގެން ވެއްޓުނު ވަގުތު ފަހަތުން އައި ޕިކަޕެއްގެ ދަށުވެގެން ކަމަށް ފުލުހުން ވަނީ ބުނެފަ އެވެ.

މި މައްސަލައާ ގުޅިގެން ބަލަންޖެހޭ ކަންކަން ފުލުހުން މިހާރު ގެންދަނީ އިތުރަށް ތަހުގީގު ކުރަމުންނެވެ. ހައިވޭއަކީ އާންމުކޮށް ބާރު ދުވެލީގައި އުޅަނދުތައް ދުއްވާ ސަރަހައްދަކަށް ވުމާއެކު، މިފަދަ ހާދިސާތައް މަދުކުރުމަށް ސަމާލުވުމަށް ކަމާބެހޭ ފަރާތްތަކުން އިލްތިމާސް ކުރެއެވެ.

މި ފަހަކަށް އިސް ނުރައްކާތެރި އެކްސިޑެން ހިނަގމުން އަންނަ މިންވަރު މަދު ކަމަށް ފާހަގަ ކުރެވެ އެވެ. ނަމަވެސް މިދިޔަ ފެބްރުއަރީ މަހުގައި ސިނަމާލެ ބްރިޖުގައި ހިނގި މިފަދަ ނުރައްކާތެރި އެންކސިޑެންޓެއްގައި ވަނީ އުމުރުން 16 އަހަރުގެ ދިވެހި ކުއްޖަކު ނިޔާވެފަ އެވެ.