ޗާގޮސްގެ އަސްލު ހައްގުވެރިންނަކީ ދިވެހިން: ރައީސް

ޗާގޮސްގެ އަސްލު ހައްގުވެރިންނަކީ ދިވެހިން ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.

ރައީސް އޮފީހުގައި ކުރިއަށްދިޔަ ނޫސްވެރިންގެ ބައްދަލުވުމުގައި ޗާގޮސް ގެ މައްސަލައާއި ގުޅޭގޮތުން އަސްލުޓީވީ އިންކުރި ސުވާލަކަށް ޖަވާބު ދެއްވަމުން ރައީސް ވިދާޅުވީ ފޯޅަވަހި ނުވަތަ ޗާގޮސް ގައުމަކާއި ހަވާލްކުރާނަމަ ހަވާލްުކުރަންޖެހޭނެ ހަމައެކަނި ގައުމަކީ ދިވެހިރާއްޖެ ކަމަށެވެ.

ޗާގޮސް ނުވަތަ ފޯޅަވައްސަކީ ކުރިން ދިވެހިރާއްޖޭގެ ތަނެއް ކަމަށް ރައީސް ވިދާޅުވިއެވެ.

މީގެ އެތަކެއް ގަރުނެއް ކުރިން ފޯޅަވަހި ނުވަތަ ޗާގޮސްއަކީ ދިވެހިންގެ ތަނެއް ކަމަށް ރައީސް ވިދާޅުވިއެވެ.

ފޯޅަވަހި ނުވަތަ ޗާގޮސް އާއި ބެހޭ ގޮތުން 16 ވަނަ ގަރުނުގައި 9 ވަނަ ހަސަން ރަސްގެފާނުގެ ސިޓީފުޅެއް ޗާޓަކާއި އެކުގައި އޮތް ކަމަށް ރައީސް ވިދާޅުވިއެވެ. އެހެންކަމުން ޗާގޮސް އަކީ ދިވެހިރާއްޖެ އާއި ސަގާފަތާއި ތަރިކައިގެ ދާއިރާއިން ގުޅިލާމެހިފައިވާ ތަނެއް ކަމަށް ރައީސް ވިދާޅުވިއެވެ.

އެއްވެސް ގައުމަކަށް ޗާގޮސް ނުވަތަ ފޯޅަވަހީގެ ހައްގުވެރި ގައުމާއި ހަވާލްކުރާނަމަ ހަމައެކަނި ހަވާލްކުރަންޖެހޭނީ ދިވެހި ރާއްޖެއަށް ކަމަަށް ރައީސް ވިދާޅުވިއެވެ.

އިނގިރޭސިންގެ ބާރުގެ ދަށުގައި ފޯޅަވަހި ބާއްވާނަމަ އެކަމަކީ މުޅިން އެހެންކަމެއް ނަމަވެސް އިނގިރޭސި ސަރުކާރުން ޗާގޮސް ގައުމަކާއި ހަވާލްކުރާ ނަމަ ހަމައެކަނި އޮތް ގައުމަކީ ދިވެހިރާއްޖެ ކަމަށް ރައީސް ވިދާޅުވިއެވެ. އެކަމަކީ ވަރަށް ސާފުކަމެއް ކަަމަށް ރައީސް ވިދާޅުވިއެވެ.

ޗާގޮސް އަނބުރާ ހޯދުމަށް ކުރަންޖެހޭ މަސައްކަތްތައް ކުރަމުންދާކަން ފާހަގަކޮށް ރައީސް ވިދާޅުވީ މިވަގުތު އިނގިރޭސި ސަރުކާރާއި އެކު މަޝްވަރާތައް ކުރިއަށްގެންދާ ކަމަށެވެ.

ރިޔާސީ ބަޔާނުގައި ދެތާރީހެއްގައި ދެ ސިޓީފުޅެއް ޗާގޮސްގެ މައްސަލައިގައި ފޮނުވާފައިވާ ކަން ފާހަގަކުރައްވައި ރައީސް ވިދާޅުވީ އިނގިރޭސި ޕްރައިމް މިނިސްޓަރާއިވެސް މަޝްވަރާކޮށް ވާހަކަ ދެކެވިފައިވާ ކަމަށެވެ.

ފޯޅަވަހި ނުވަތަ ޗާގޮސް ހޯދަން ބޭނުންވާ ޑޮކިއުމެންޓްތައް ތައްޔާރުކުރުމުގެ މަސައްކަތްތައް ކުރަމުންދާ ކަމަށް ރައީސް ވިދާޅުވިއެވެ.

ގައުމަކާއި ޗާގޮސް ހަވާލްކުރާ ނަމަ ހަވާލްކުރަންޖެހޭނީ ދިވެހިރާއްޖެއާއި ކަމަށް ރައީސް ވިދާޅުވިއެވެ.