އިންތިހާބަށް ކުރިމަތިލާން މެނުއަލްކޮށް ފޯމުލުމުގެ ފުރުސަތެއް ނެތް: އީސީ
ރިޟްވާން މޫސާ - 28 ޖެނުއަރީ 2026 - 06:41
ކުރިއަށް އޮތް ލޯކަލް ކައުންސިލް އިންތިހާބުގައި ކައުންސިލް އިންތިހާބާއި، އަންހެނުންގެ ތަރައްގީ އަށް މަސައްކަތް ކުރާ ކޮމެޓީގެ އިންތިހާބަށްވެސް ފޯމު ހުށަހެޅުމުގައި މެނުއަލްކޮށް ފޯމު ހުށަހެޅުމުގެ އެއްވެސް ފުރުސަތެއް އަދި ނެތް ކަމަށް އިލެކްޝަން ކޮމިޝަނުން ބުނެފި އެވެ.
އޮންލައިކޮށް މި ޙިދުމަތް ފޯރު ކޮށްދިނުމަށް އިލެކްޝަން ކޮމިޝަނުން ހުޅުވާލާފައިވާތީ ބައެއް ސިޔާސީ ޕާޓީ ތަކުން ވަނީ ކަންބޮޑުވުން ވެސް ފާޅުކޮށްފަ އެވެ.
އިދިކޮޅު އެމްޑީޕީން ބުނެފައި ވަނީ މި ފަހަރުގެ އިންތިހާބުގައި ވާދަކުރުމުގެ ފުރުސަތު ވަރަށް ކުޑަ ކަމަށާއި، އިންތިހާބުގައި ބައިވެރި ނުވެވިދާނެތީ ކަންބޮޑުވުން އޮންނަ ކަމަށެވެ. އެމްޑީޕީން އަދި މިފަހަރުގެ އިންތިހާބުގެ ކެމްޕެއިން ވެސް ރަސްމީކޮށް ފަށާފައެއް ނުވެ އެވެ.
އިލެކްޝަންސް ކޮމިޝަންގެ ނައިބު ރައީސް ޢަބްދުއްރަޙްމާން ޞަލާހު ރަޝީދު ވިދާޅުވީ އެ ކޮމިޝަންގެ މައި ޕޯޓަލް މެދުވެރިކޮށް ފޯމު ހުށަހެޅުމުގެ ފުރުސަތު ހުޅުވާލި ފަހުން މިހާތަނަށް 2،200 އަށްވުރެ ގިނަ ފޯމު ހުށަހަޅާފައިވާއިރު ފޯމު ހުށަހެޅި އެއްވެސް ކެންޑިޑޭޓަކު ފޯމު ހުށަހެޅުމުގައި އުނދަގޫތަކެއް ކުރިމަތިވާކަން އެ ކޮމިޝަނާ ހިއްސާކޮށްފައި ނުވާ ކަމަށެވެ.
އޮންލައިން ކޮށް މި ޙިދުމަތް ދިނުމަށް އިލެކްޝަނުން ހުޅުވާލާފައިވާއިރު މި ޙިދުމަތަކީ ފަސޭހަ އަދި ވަގުތު ސަލާމްތަ ކުރެވިދާނެ އަވަސް ޙިދުމަތެއްކަން ގިނަ ބަޔަކު ފާހަގަ ކުރެ އެވެ.
އިލެކްޝަން ކޮމިޝަނުން ބުނެފައި ވަނީ މި ފަހަރުގެ އިންތިހާބުގައި ވެސް ހުރިހައި ސިޔާސީ ޕާޓީ ތަކާއި އަމިއްލަ ގޮތުން ވާދަކުރައްވާ ފަރާތްތަކުިގެ މެދުގައިވެސް ކޮމިޝަނުން ގެންގުޅުއްވަނީ ހަހަމަ އުސޫލެއް ކަމަށެވެ.
ގުޅުން ހުރި ޙަބަރުތައް
