ޕީއެންސީ އައްޑޫ ސިޓީ މާލެ ޖަގަހަ ހުޅުވައިފި

ޕީއެންސީ އައްޑޫ ސިޓީ މާލެ ޖަގަހަ ހުޅުވައިފިއެވެ.

ޕީއެންސީ އައްޑޫ ސިޓީ ޖަގަހަ މާލެ ޖަގަހަ ހުޅުވައިދެއްވީ ރައީސް ޑރ މުހައްމަދު މުއިއްޒުގެ އަނބިކަނބަލުން ފަސްޓްލޭޑީ ސާޖިދާ މުހައްމަދު އެވެ.

ޕީއެންސީ އައްޑޫ ސިޓީ ޖަހަގަ ހުޅުވުމުގެ ރަސްމިއްޔާތުގައި އައްޑޫ ސިޓީގެ މޭޔަރު ކަމަށް ޕީއެންސީ އިން ވާދަކުރައްވާ ކެންޑިޑޭޓްގެ އިތުރުން އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސް ކެންޑިޑޭޓް އާއި އައްޑޫ ސިޓީއަށް ނިސްބަތްވާ ޕީއެންސީގެ މަޖިލިސް މެމްބަރުންނާއި ޕާޓީގެ ލީޑަރޝިޕްގެ އިސް ފަރާތްތަކާއި އާއްމު ރައްޔިތުންގެ ގިނަ ބަޔަކު ބައިވެރިވިއެވެ.

މިއަހަރު ބާއްވާ ލޯކަލް ކައުންސިލް އިންތިހާބާއި ގުޅިގެން ރާއްޖޭގެ ސިޓީތަކުގެ ޖަގަހަތައް މާލޭގައި ޕީއެންސީ އިން ދަނީ ހުޅުވަމުންނެވެ. އެގޮތުން ތިނަދޫ ސިޓީ އާއި ކުޅުދުއްފުށި ސިޓީ އާއި އައްޑޫ ސިޓީގެ މާލެ ޖަގަހަ ވަނީ ހުޅުވާފައެވެ.

ޕީއެންސީ އިން ދަނީ ލޯކަލް ކައުންސިލް އިންތިހާބުގެ ކެމްޕޭން މާލެ އާއި އަތޮޅު ތެރޭގައި ހިންގަމުންނެވެ.

ޕީއެންސީ އިން ދަނީ ކެމްޕޭން ހަރަކާތްތައް ބާއްވައި ދޮރުން ދޮރަށް ހިނގައި ރައްޔިތުންގެ ތާއީދު ހޯދުމަށް ގިނަ މަސައްކަތްތަކެއް ކުރަމުންނެވެ.