ހުޅުމާލެ ފޭސް 3 ގައި މިރޭ ހަވާ އަރުވަނީ

ހުޅުމާލެ ފޭސް 3 ގައި މިރޭ ހަވާ އަރުވަން ނިންމާފފައިވާ ކަމަށް އެމްއެންޑީއެފުން ބުނެފިއެވެ.

ހަވާ އެރުވުމުގެ ހަރަކާތް ކުރިއަށްދަނީ ހުޅުމާލެ ފޭސް 3 ގައި މިރޭ 20:00 އާއި 20:30 އާއި ދެމެދު ގައެވެ.

ހަވާ އަރުވަނީ ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) ގެ ފަރާތުން ކަމަށް ވެސް އެމްއެންޑީއެފުން އެކްސްގައި ކޮށްފައިވާ ޕޯސްޓްގައި ވަނީ ބުނެފައެވެ.

ހަވާ އެރުވުމުގެ ހަރަކާތް ކުރިއަށްދާނީ 3 މިނެޓަށް ކަމަށްވެސް އެމްއެންޑީއެފުން ވަނީ ބުނެފައެވެ.

ސިފްކޯ އިން ދަނީ ތަފާތު އެކި އެކި މުނާސަބަތުތަކާއި ގުޅިގެން ހަވާ އެރުވުމުގެ ހަރަކާތްތައް ވިޔަފާރި އުސޫލުން އިންތިޒާމް ކޮށްދެމުންނެވެ.