ޕީއެސްއެމް ގެ މެނޭޖިންގ ޑިރެކްޓަރުގެ މަގާމަށް އަހުމަދު ޝަކީބު ހަމަޖައްސަވައިފި

ފަބްލިކް ސާރވިސް މީޑިއާ - ޕީއެސްއެމްގެ ޑިރެކްޓަރުންގެ ބޯޑުގެ މެނޭޖިންގް ޑިރެކްޓަރުގެ މަގާމަށް އަހުމަދު ޝަކީބު އައްޔަނު ކުރައްވައިފިއެވެ.

ޕްރައިވެޓައިޒޭޝަން އެންޑް ކޯޕޮރޮޓައިޒޭޝަން ބޯޑްއިން މިއަދު އެކްސްގައި ކުރިޕޯސްޓެއްގައި، ޕީއެސްއެމްގެ ޑިރެކްޓަރުންގެ ބޯޑުގެ މެނޭޖިންގް ޑިރެކްޓަރުގެ މަގާމަށް ދަފްތަރު ނަންބަރު ރސ 6886 އަލްފާޟިލް މުހައްމަދު ޝަކީބު އައްޔަނު ކުރައްވާފައިވާކަން ވަނީ ހާމަކޮށްފައެވެ.

އަހުމަދު ޝަކީބް މިމަގާމަށް އައްޔަނު ކުރައްވާފައިމިވަނީ، ކުރިން އެމަގާމު ފުރުއްވަމުން ގެންދެވި އިބްރާހިމް ނަސްރީން މިދިޔަ ނޮވެންބަރު 29 ވަނަދުވަހު އިސްތިއުފާ ދެއްވުމާ ގުޅިގެންނެވެ.

އަހުމަދު ޝަކީބަކީ މިސަރުކާރުން ޕީއެސްއެމްގެ މެނޭޖިންގ ޑިރެކްޓަރުގެ މަގާމަށް އައްޔަނު ކުރި ހަތަރުވަނަ ބޭފުޅާއެވެ. އޭގެ ކުރިން މިމަގާމު ފުރުއްވާފައިވަނީ އެންމެ ފަހުން އެމަގާމުގައި ހުންނެވި އިބްރާހިމް ނަސްރީން ގެ އިތުރުން ދެވަނައަށް އައްޔަނު ކުރެއްވި މުހައްމަދު ސައީދު އަދި އެންމެ ފުރަތަމަ އެމަގާމަށް އައްޔަނުކުރެއްވި ޒީނާ ޒާހިރު އެވެ.