ހަމަނާއީ އަވަހާރަކޮށްލުން ކުރީގެ ރައީސް މައުމޫން ކުށްވެރިކުރައްވައިފި

ހަމަނާއީ އަވަހާރަކޮށްލުން ކުރީގެ ރައީސް މައުމޫން ކުށްވެރިކުރައްވައިފިއެވެެ.

އެމަނިކުފާނު ކުރެއްވި ޕޯސްޓެއްގައި ވިދާޅުވީ ހާމަނާއީ އަވަހާރަކޮށްލި ކޮށްލުން އިހުލާސްތެރި މުސްލިމެއްގެ ހައިިސިއްޔަތުން ކުށްވެރިކުރައްވާ ކަމަށެވެ.

މައުމޫން ވަނީ ހަމަނާއީ ގެ ފުރާނަ ފުޅަށް ރަހްމަތް ލައްވައި ސުވަރުގެ މިންވަރުކުރެއްވުން އެދި ދުއާކުރައްވާފައެވެ.

މައުމޫންއަކީ މެދުއިރުމަތީގެ ގައުމުތަކާ ގާތް ގުޅުން ބޭއްވެވި ވެރިއެކެވެ.

ހާމަނާއީ އަވަހާރަކޮށްލި ކޮށްލުން މައުމޫން ކުށްވެރިކުރައްވާފައިވާއިރު، މި ވަގުތާ ހަމައަށް ވެސް އެކަމާ ގުޅިގެން ދިވެހިރާއްޖޭގެ ސަރުކާރުން އަދި ރައީސުލްޖުމްހޫރިއްޔާ މުހައްމަދު މުއިއްޒު އެއްވެސް އެއްޗެއް ވިދާޅުވެފައެއް ނުވެ އެވެ. އެކަމާ ގުޅިގެން ސަރުކާރަށާއި މުއިއްޒުއަށް ވަނީ ގިނަ ބައެއްގެ ފާޑުކިޔުން އަމާޒުވެފަ އެވެ.

ހާމަނާއީ އަވަހާރަކޮށްލުމާ ގުޅިގެން ރައީސް މުއިއްޒު ވިދާޅުވީ މެދުއިރުމަތީގައި ހުރި އެމެރިކާގެ އަސްކަރީ މަރުކަޒުތަކަށް އިރާނުން ދެމުން ގެންދާ ހަމަލާތައް ކުށްވެރިކުރައްވާ ކަމަށެވެ. އެއަށްފަހު އެމަނިކުފާނު ވަނީ އިޒްރޭލާއި އެމެރިކާއިން ދޭ ހަމަލާތައް ވެސް ގޯސް ކަމަށް ވިދާޅުވެފައެވެ.

އިސްލާމީ ގައުމެއްގެ ހައިސިއްޔތުން މެދުއިރުމަތީގައި ހިނގަމުންދާ ހަނގުރާމައިގައި އަނިޔާ ލިބެމުންދާ ފަރާތްތަކަށް ހަމްދަރުދީވެ ވަޑައިގަންނަވާ ކަމަށް ރައީސް މުއިއްޒު ވަނީ ވިދާޅުވެފައެވެ.