މެދުއިރުމަތީގެ ހަނގުރާ: ޢުމްރާއަށްދާ ފަރާތްތަކުން ގުޅުމަށް ހޮޓްލައިނެއް

މެދުއިރުމަތީގައި ފަށާފައިވާ ހަނގުރާމައާ ގުޅިގެން ދިވެހިރާއްޖެއިން ޢުމްރާގެ އަޅުކަން އަދާކުރުމަށް ދަތުރުކުރާ ފަރާތްތަކާއި، ޢުމްރާގެ އަޅުކަން އަދާކުރުމަށް މިހާރު މައްކާގައި ތިބި އެންމެހާ ފަރާތްތަކުން، އެފަރާތްތަކަށް ދިމާވާ ޚާއްސަ ހާލަތްތަކާ ގުޅިގެން މަޢުލޫމާތު ޙިއްސާކުރުމާއި މަޢުލޫމަތު ހޯދުމަށް، އިސްލާމީކަންތައްތަކާ ބެހޭ ވުޒާރާއިން ޚާއްސަ ހޮޓްލައިނެއް ގާއިމްކޮށްފިއެވެ.

މިކަމަށްޓަކައި އިސްލާމީކަންތައްތަކާ ބެހޭ ވުޒާރާއިން ގާއިމްކޮށްފައިވާ ހޮޓްލައިން ނަމްބަރަކީ:

1. ހޮޓްލައިން ނަންބަރު: 3007070
2. ދިވެހިރާއްޖެއިން ބޭރުން ގުޅާނަމަ: +(960)3007070

އަދި ޚާއްސަ ކަމެއް މެދުވެރިވެއްޖެ ހާލަތެއްގައި ސަޢުދީ ޢަރަބިއްޔާގެ ރިޔާޟުގައި ހުންނަ ދިވެހިރާއްޖޭގެ އެމްބަސީގެ ހޮޓްލައިން ނަންބަރު +966506894477)) އާއި ސަޢުދީ ޢަރަބިއްޔާގެ ޖިއްދާގައި ގާއިމުކޮށްފައިވާ ދިވެހިރާއްޖޭގެ ކޮންސިއުލޭޓުގެ ހޮޓްލައިން ނަންބަރު +966530838329)) އަށް ވީ އެންމެ އަވަހަކަށް އެންގެވުމަށް ވުޒާރާއިން އެދެއެވެ.

މައްކާގައި ތިބި ޢުމްރާވެރީންގެ ކަންކަން އެ ވުޒާރާގެ ފަރާތުން ދަނީ ވަރަށް ގާތުން ބަލަމުން ކަމަށް އެ ވުޒާރާއިން ވަނީ ބުނެފައެވެ.

މެދުއިރުމަތީގެ ހަނގުރާމަ އާއި ގުޅިގެން ގިނަ އެއަރލައިންތަކުގެ ދަތުރުތައް ކެންސަލް ކޮށްފައިވާއިރު ދިވެހިރާއްޖޭގެ ސަރުކާރުން ދަނީ ރާއްޖެއިން ނުފުރި ތިބި ފަތުރުވެރިން އަނބުރާ ގައުމުތަކަށް ފޮނުވުމަށް ކުރަންޖެހޭ މަސައްކަތްތައް ކަމާއި ބެހޭ ވުޒާރާތަކާއި ގުޅިގެން ކުރަމުންނެވެ.