ރައްޔިތުންގެ ސިއްޙަތު ކަށަވަރު ކުރުމަށްޓަކައި ނިޒާމު ހަރުދަކުރުމަކީ ކޮންމެހެން ކުރަންޖެހޭ ކަމެއް ކަމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ވިދާޅުވެއްޖެއެވެ.
އެކަމަނާ މިފަދައިން ވިދާޅުވީ ބައިނަލްއަޤްވާމީ ބަލިމީހުންގެ ރައްކާތެރިކަމުގެ ދުވަހާ ގުޅިގެން އައްޑޫ ސިޓީގައި ބޭއްވި ޚާއްސަ ކޮންފަރެންސް ޝަރަފުވެރިކޮށްދެއްވައި ވާހަކަފުޅު ދައްކަވަމުންނެވެ.
ބަލިމީހާގެ ރައްކާތެރިކަމަށް މަސައްކަތް ކުރުމަކީ މުޅި ސިއްޙީ ނިޒާމުގައި ހަރަކާތްތެރިވާ އެންމެންގެ ޝާމިލުވުން ބޭނުންވާ ކަމެއްކަން ފާހަގަކުރައްވައި ރައީސުލްޖުމްހޫރިއްޔާގެ އަނބިކަނބަލުން ވިދާޅުވީ، އެގޮތުން ކޮންމެ މީހަކުވެސް، ކޮންމެ ވަގުތަކުވެސް މަސައްކަތް ކުރަންވާނީ ބަލިމީހާގެ ރައްކާތެރިކަން ކަށަވަރު ކުރުމަށް ކަމަށެވެ.
ރައީސުލްޖުމްހޫރިއްޔާގެ އަނބިކަނބަލުން ވިދާޅުވީ، ސިއްޙީ ޚިދުމަތުގެ ރައްކާތެރިކަމަކީ ދިވެހިންގެ އިތުރުން ބިދޭސީންނާއި ރާއްޖެއަށް ޒިޔާރަތް ކުރާ ފަތުރުވެރިނަށްވެސް ލިބިދޭންޖެހޭ ހައްޤެއް ކަމަށެވެ.
އެކަމަނާ ވިދާޅުވީ، ސިއްޙީ ޚިދުމަތް ދިނުމުގައި ބަލިމީހާއަށް ބޭނުންވާ ރައްކާތެރިކަމަށް ޚާއްސަ ސަމާލުކަމެއް ދިނުމަށް ބޭނުންވާ އުޞޫލުތަކާއި މުޅި ސިއްޙީ ނިޒާމު ހަރުދަނާކުރުމުގެ އިތުރުން، މުވައްޒަފުން ތަމްރީނުކުރުމާއި އަހުލުވެރިކުރުމަށް އެދިވަޑައިގަންނަވާ ކަމަށެވެ.
ކޮންމެ މީހަކުވެސް، ކޮންމެ ވަގުތަކުވެސް މަސައްކަތް ކުރަންވާނީ ބަލިމީހާގެ ރައްކާތެރިކަން ކަށަވަރު ކުރުމަށް." މެޑަމް ސާޖިދާ
މީގެއިތުރުން ސިއްހީ ހިދުމަތުގެ ރައްކާތެރިކަމަކީ ދިވެހިންނާއި ބިދޭސީންނާއި ރާއްޖެއަށް ޒިޔާރަތް ކުރާ ފަތުރުވެރިނަށް ވެސް ލިބިދޭންޖެހޭ ހައްޤެއްކަން އެކަމަނާ ފާހަގަކުރެއްވިއެވެ. އަދި އެ ހިދުމަތް ދިނުމުގައި ބަލިމީހާއަށް ބޭނުންވާ ރައްކާތެރިކަމަށް ހާއްސަ ސަމާލުކަމެއް ދިނުމަށް ބޭނުންވާ އުސޫލުތަކާއި މުޅި ސިއްހީ ނިޒާމު ހަރުދަނާކުރުމާއި މުވައްޒަފުން ތަމްރީނުކުރުމާއި އަހުލުވެރިކުރުމަށް އެކަމަނާ ވަނީ އެދިވަޑައިގަންނަވާފައެވެ.
ރައީސުލްޖުމްހޫރިއްޔާގެ އަނބިކަނބަލުން ވިދާޅުވީ، ބަލިމީހުންގެ ރައްކާތެރިކަމަށް އަލަށް ތަޢާރަފްކުރެވުނު އިސްތިރާޖީ ޕްލޭން ތަންފީޒުކުރުމާއި ބަލިމީހާގެ ބަލި އަވަހަށް ދެނެގަތުމާއި، ބޭސްފަރުވާގެ ކަންކަން އަވަސްކުރުމާއި، ދާއިރާގެ މުވައްޒަފުންގެ މައުލޫމާތު މުއްސަނދިވެގެން ދިޔުމަކީ ބަލިމީހާގެ ރައްކާތެރިކަން ކަށަވަރު ވެގެންދާނެ ކަމެއް ކަމަށެވެ.
އެކަމަނާ މިފަދައިން ވިދާޅުވިއިރު ބަލިމީހުންގެ ރައްކާތެރިކަމުގެ ދުވަހާ ގުޅިގެން ޞިއްޙީ ވުޒާރާއިން ބޭއްވި ރަސްމިއްޔާތެއްގައި، ޞިއްޙީ ދާއިރާގެ މައްސަލަތަކާ ގުޅޭގޮތުން ޝަކުވާ ހުށައެޅުމަށް ޚާއްސަ "މާހަރާ" ޕޯޓަލް ވަނީ އިފްތިތާހު ކޮށްފައެވެ.
މި ޕޯޓަލްއަކީ ޞިއްޙީ ޚިދުމަތް ލިބިގަންނަ ފަރާތްތަކަށް ދިމާވާ އެކިއެކި ދަތިތަކާ ގުޅިގެން ހުންނަ ކަންބޮޑުވުންތައް ޙިއްޞާކުރުމަށް އިފްތިތާޙް ކުރެވުނު ޕޯޓަލްއެކެވެ. މިއީ ޑަބްލިޔު.އެޗް.އޯގެ އެހީތެރިކަމާއެކު ފަރުމާ ކުރެވި ވުޖޫދު ކުރެވިފައިވާ ވަސީލަތެކެވެ.
ޞިއްޙަތާ ބެހޭ ވަޒީރު ޑރ. އަބްދުﷲ ޚަލީލް ވިދާޅުވީ މިފަދަ ނިޒާމެއް ޤާއިމްކުރެވިގެން ދިއުމަކީ ޚިދުމަތް ހޯދާ ފަރާތްތަކަށާއި ޚިދުމަތް ފޯރުކޮށްދޭ ފަރާތްތަކަށް ޚިދުމަތުގެ ފެންވަރު ރަނގަޅު ކުރުމަށް ލިބިގެންދާނެ ފުރުސަތެއް ކަމަށެވެ. އަދި ޞިއްޙީ ޚިދުމަތް ދިނުމުގައި އެންމެ ބޮޑު އިސްކަމެއް ދޭންޖެހެނީ ބަލިމީހާގެ ފަރުވާއާއި ސަލަމާތާއި ރައްކާތެރިކަން ކަށަވަރު ކުރުމަށް ކަމަށް ވަޒީރު ފާހަގަކުރެއްވިއެވެ.
ބަލިމީހުންގެ ރައްކާތެރިކަމުގެ ދުވަހަކީ ބަލިމީހުންގެ ސަލާމަތާއި ރައްކާތެރިކަމުގެ މުހިންމުކަން އެންމެނަށް އަންގައިދިނުމާއި އެކަމަށް ހޭލުންތެރި ކުރުމަށް ފާހަގަކުރާ ދުވަހެކެވެ.
މި ދުވަސް ރާއްޖޭގައި އެންމެ ފުރަތަމަ ފާހަގަކުރަން ފެށުނީ 2019 ވަނަ އަހަރުއެވެ.
