ހުޅުމާލޭގެ ކޮމާރޝަލް ޔުނިޓްތައް ގަވާއިދަށް ފެތޭތޯ އެޗްޑީސީން ބަލަން ފަށައިފި

ހުޅުމާލޭގެ ކޮމާރޝަލް ޔުނިޓްތައް ގަވާއިދަށް ފެތޭތޯ ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)ން ބަލަން ފަށައިފިއެވެ.

އެޗްޑީސީން ބުނީ މިހާރު ކުރިއަށްދާ ސާރވޭ އަކީ ވިޔަފާރިކުރުމަށް ހުއްދަ ދޫކޮށްފައިވާ ތަންތަން ބަލާ ފާސްކުރުމުގެ ސާރވޭ އެއް ކަމަށެވެ. އަދި މި ސާރވޭގެ ދަށުން އެފަދަ ތަންތަނުގައި ވިޔަފާރިކުރަނީ ހެދިފައިވާ އެއްބަސްވުންތަކާއި އެއްގޮތަށްތޯ ބަލާނެ ކަަމަށްވެސް އެ ކުންފުނިން ބުނެއެވެ.

ހުޅުމާލޭގެ މުނިސިޕަލް ހުރިހާ ކަމެއްގެ އިތުރުން ތަރައްޤީގެ އެންމެހާ މަސައްކަތްތައް ވިލަރެސްކުރަނީ އެޗްޑީސީންނެވެ.

ހުޅުމާލޭގައި ވިޔަފާރިކުރަން ދޫކޮށްފައިވާ ބައެއް ޔުނިޓްތަކުގައި ގަވާއިދާއި ހިލާފަށް އަމަލުކުރަމުންދާ ކަމުގެ ޝަކުވާ ދަނީ ގިނަވަމުންނެވެ.