އަޟްޙާ ޢީދު ފާހަގަކުރުމުގެ ގޮތުން މިރޭ ހަވާ އަރުވަނީ

އަޟްޙާ ޢީދު" ފާހަގަކުރުމުގެ ގޮތުން މިރޭ ހަވާ އެރުވުމަށް ނިންމާފައިވާ ކަމަށް "މޯލްޑިވްސް ނޭޝަނަލް ޑިފެންސް ފޯރސް" އެމްއެންޑީއެފުން ބުނެފިއެވެ.

އެމްއެންޑީއެފުން މިކަން ހާމަކޮށްފައިވަނީ ސޯޝަލް މީޑިއާގައި ހިއްސާކުރި ޕޯސްޓެއްގައެވެ.

އެމްއެންޑީއެފުން ބުނީ މިރޭ އަރުވާނީ 21:45 އާއި 22:15އާ ދެމެދުގެ ވަގުތެއްގައި ކަމަށެވެ. އަދި ހަވާ އަރުވާނެ ސަރަހައްދަކަށް ހަމަޖެހިފައިވަނީ ވިލިމާލެއާ ދިމާ ބޭރުން އެރުވުމަށް ކަމަށް އެމްއެންޑީއެފުން ވަނީ ބުނެފައެވެ.

ހަވާ އެރުވުން ކުރިއަށްދާނީ ގާތްގަނޑަކަށް 5 މިނެޓެއް ހާއިރު ކަމަށް ވެސް ވަނީ އެމްއެންޑީއެފުން ބުނެފައެވެ.