އިވުމުގެ ނުކުޅެދުންތެރިކަން ހުންނަ ފަރާތްތަކަށް އިންތިޚާބާ ގުޅޭ މަޢުލޫމާތު ދީފި

އިވުމުގެ ނުކުޅެދުންތެރިކަން ހުންނަ ފަރާތްތަކަށް އިންތިހާބުތަކާއި ވޯޓުލުމާ ގުޅޭގޮތުން ހޭލުންތެރިކުރުވުމަށްޓަކައި އިލެކްޝަންސް ކޮމިޝަނުން ހާއްސަ މައުލޫމާތު ދިނުމުގެ ސެޝަނެއް ކުރިއަށް ގެންގޮސްފިއެވެ.

މި ސެޝަނަކީ އިންތިހާބުތަކުގައި ވޯޓުލުމުގެ ހައްގު އަދާކުރުމަށް ހުރި ހުރަސްތައް ނައްތާލައި، ހުރިހާ ފަރާތްތަކަށް ހަމަހަމަކަމާއެކު މަޢުލޫމާތު ފޯރުކޮށްދިނުމަށް އެ ކޮމިޝަނުން ކުރަމުންދާ މަސައްކަތުގެ ތެރެއިން ކުރިއަށް ގެންދިޔަ ހަރަކާތެކެވެ.

މި ބައްދަލުވުމުގައި އިންތިޚާބުތަކާ ގުޅޭ މުހިންމު މަޢުލޫމާތުތަކާއި، ވޯޓުލުމުގެ އުސޫލުތަކުގެ އިތުރުން، ވޯޓުލާ މަރުކަޒުތަކުގައި ހުންނަ އިންތިޒާމުތަކާ ގުޅޭގޮތުން ބައިވެރިންނަށް ވަނީ ތަފްސީލީ މަޢުލޫމާތު ސައިން ލޭންގުއޭޖްއިނ ދީފައެވެ.

އަންނަ އެޕްރީލްމަހު ބާއްވާ ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ އިންތިޚާބުގައި ފެނުމުގެ ނުކުޅެދުންތެރިކަން ހުންނަ ފަރާތްތަކަށް އެހެން މީހެއްގެ އެހީތެރިކަމާ ނުލައި ވޯޓުލުމުގެ ފުރުޞަތު ދިނުމުގެ ގޮތުން އީސީއިން ވަނީ ޓެމްޕްލޭޓް ބޭނުންކޮށްގެން ވޯޓުލުމުގެ ފުރުސަތުވެސް ދީފައެވެ.