"ރައްޔިތުންނާ އެކު" ޕޮޑްކާސްޓްގެ ދެވަނަ އެޕިސޯޑް މިއަދު އެކެއް ޖަހާއިރު
އައިޝަތު އިބްރާހިމް - 02 އޭޕްރީލު 2025 - 07:13
"ރައްޔިތުންނާ އެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ދެވަނަ އެޕިސޯޑް މިއަދު މެންދުރުފަހު އޮންނާނެކަމަށް ރައީސް އޮފީހުން ބުނެފިއެވެ.
ރައީސް އޮފީހުން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ، "ރައްޔިތުންނާއެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ދެވަނަ އެޕިސޯޑް މިއަދު މެންދުރުފަހު 1 ޖަހާއިރު އޮންނާނެކަމަށެވެ.
"ރައްޔިތުންނާއެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ފުރަތަމަ އެޕިސޯޑް ދައްކާފައިވަނީ މިދިޔަ މަހުގެ 27 ގައެވެ.
ރައީސް އޮފީހުން ބުނިގޮތުގައި މި ޕޮޑްކާސްޓް ކުރިޔަށްގެންދިއުމުގެ މައިގަނޑު މަގްސަދަކީ، ރައްޔިތުންނާ ވީހާވެސް ގާތުން މައުލޫމާތު ހިއްސާކޮށް ރައްޔިތުންގެ ޚިޔާލުތަކާއި ސުވާލުތަކަށް ޖަވާބު ދިނުމެވެ.
މި ޕޮޑްކާސްޓު ހުށަަހަަޅުއްވައިދެއްވަނީ ރާއްޖޭގެ މަޝްހޫރު ޕްރެޒެންޓަރ އަޙްމަދު ޝަކީބު (ޝަކީއްބެ)އެވެ.
މި ސަރުކާރުން އަންނަނީ ރައްޔިތުުންނަށް ހަމައަށް ހުރިހާ ކަމެއް ހާމަކުރަމުންނެވެ. އެގޮތުން ދައުލަތުގެ ޚަރަދުތަކާއި އެހެނިހެން ކަންކަންވެސް ހިމެނެއެވެ.
ރައީސްގެ ޕޮޑްކާސްޓުގެ ފުރަތަމަ އެޕިސޯޑުގައި މުހިއްމު ގިނަ މައުޟޫޢުތަކަކަށް އެމަނިކުފާނު ވަނީ އަލިއަޅުއްވާލައްވާފައެވެ.
ގުޅުން ހުރި ޙަބަރުތައް
