logo

ކޮންމެ ދިވެހި ދަރިޔަކީ ޤާއުމަށް މުހިންމު އަގުހުރި ދަރިއެއް: ރައީސް

profile

އައިޝަތު އިބްރާހިމް - 02 އޭޕްރީލު 2025 - 07:02

ކޮންމެ ދިވެހި ދަރިއަކީ ޤައުމަށް މުހިންމު، އަދި އަގުހުރި ދަރިއެއް ކަމަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

https://wamco.com.mv/

އެމަނިކުފާނު މިހެން ވިދާޅުވީ ބައިނަލްއަޤްވާމީގޮތުން ފާހަގަކުރާ އޯޓިޒަމް ދުވަހާ ގުޅިގެން ކުރެއްވި ޕޯސްޓެއްގައެވެ.

ސޯޝަލް މިޑިއާގައި ރައީސުލްޖުމްހޫރިއްޔާ ހިއްސާ ކުރެއްވި ޕޯސްޓުގައި ވިދާޅުވީ، އޯޓިޒަމް ތަހައްމަލުކުރާ ކޮންމެ ކުއްޖަކީވެސް ޤައުމަށް މަންފާކޮށްދޭނެ އެތައް ހުނަރެއް ހުރި މޮޅު ކުދިންތަކެއް ކަމަށެވެ. އަދި އޯޓިޒަމް ތަހައްމަލު ކުރާ ކޮންމެ ކުއްޖަކަށް ވެސް އަޅާލުމާއި ލޯބި ދޭންޖެހޭ ކަމަށާއި އެއީ ޤައުމީ ވާޖިބެއް ކަމަށެވެ.

ރައީސް ވިދާޅުވީ، ކޮންމެ ދިވެހި ދަރިއަކީ ޤައުމަށް މުހިންމު، އަދި އަގުހުރި ދަރިއެއް ކަމަށެވެ.

ބައިނަލްއަޤްވާމީ ފެންވަރުގައި އޯޓިޒަމް ދުވަސް ފާހަގަކުރަނީ އޯޓިޒަމް ހުންނަ ފަރާތްތަކުގެ ޙައްގުތަކާއި އޯޓިޒަމާ ގުޅޭގޮތުން ހޭލުންތެރިކަން އިތުރުކުރުމަށެވެ. އެންމެ ފުރަތަމަ މި ދުވަސް ފާހަގަކުރަން ފެށީ 2 އޭޕްރިލް 2007ގައެވެ.

އޯޓިޒަމާއި ގުޅޭގޮތުން ހޭލުންތެރިކުރުވުމުގެ ދުވަހުގެ މިއަހަރުގެ ޝިޢާރަކީ، "އެޑްވާންސިންގ ނިއުރޯޑައިވަރސިޓީ އެންޑް ދަ ޔޫއެން ސަސްޓެއިނަބަލް ޑިވެލޮޕްމަންޓް ގޯލްސް" މިޝިޢާރެވެ. މިއީ ސިޔާސަތުތައް ކަނޑައެޅުމުގައި އޯޓިޒަމް ހުންނަ ފަރާތްތަކުގެ ބައިވެރިވުން އޮންނާނެހެން ތަރައްޤީގެ މަސައްކަތްތައް ރޭވުމަށް ބާރު އެޅުމަށް އަލިއަޅުވާލާ ޝިޢާރެކެވެ.

https://wamco.com.mv/
https://eportal.mwsc.com.mv/e-pay