ގަލޮޅު އުތުރު ދާއިރާ ކެމްޕޭން ޖަގަހަ ފަސްޓް ލޭޑީ ހުޅުވައިދެއްވައިފި

ޕީއެންސީގެ ގަލޮޅު އުތުރު ކެމްޕޭން ޖަގަހަ ފަސްޓްލޭޑީ ސާޖިދާ މުހައްމަދު ހުޅުވައިދެއްވައިފިއެވެ.

މި ޖަގަހަ ހުޅުވާފައިވަނީ ހުސްނުހީނާ މަގުގައި ހުންނަ ގ ހެޕީސައިޑް ގައެވެ.

ގަލޮޅު އުތުރު ދާއިރާގެ ކެމްޕޭން ޖަގަހަ ހުޅުވުމުގެ ރަސްމިއްޔާތުގައި ޕީއެންސީގެ ފަރާތުން ލޯކަލް ކައުންސިލް އިންތިހާބަށް ކަނޑައަޅާފައިވާ ކެމްޕޭން މެޖޭނަރ އިބްރާހިމް ފަލާހް އާއި ލީޑަރޝިޕްގެ އިސް ބޭފުޅުންގެ އިތުރުން މާލެ ސިޓީގެ މޭޔަރު ކަަމަށް ޕީއެންސީގެ ފަރާތުން ވާދަކުރައްވާ ކެންޑިޑޭޓް މޫސާ އަލީ ޖަލީލް އާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީށް ކަމަށް ވާދަލުރައްވާ އަލައިކާ އަދުނާން ގެ އިތުރުން ގަލޮޅު އުތުރަށް ވާދަކުރައްވާ މިހާރުގެ އެދާއިރާގެ ކައުންސިލަރ އަދި ކައުންސިލް ކެންޑިޑޭޓް މަރިޔަމް ރީހާން ނާޒިމް އާއި އަންހެނުންގެ ތަރައްގީޢަށް މަސައްކަތް ކުރާ ކޮމިޓީއަށް ވާދަކުރައްވާ ކެންޑިޑޭޓް ހަދީޖާ ޖަމީލް ބައިވެރިވެފައިވެއެވެ.

ޕީއެންސީގެ ފަރާތުން މިއަހަރުގެ ލޯކަލް ކައުންސިލް އިންތިހާބުގެ ކެމްޕޭންގައި ދޮރުން ދޮރަށް ހިނގުމާއި ކެމްޕޭން އޮފީސް ތަކާއި ޖަގަހަ ތައް ދަނީ ހުޅުވަމުންނެވެ.

މާލެ ސަރަހައްދުގައި ކުރިއަށްދާ ދޮރުން ދޮރަށް ހަރަކާތްތަކުގައި ޕާޓީގެ ރައީސްގެ ހައިސިއްޔަތުން ރައީސުލްޖުމްހޫރިއްޔާ ޑރ މުހައްމަދު މުއިއްޒު ބައިވެރިވެ ވަޑައިގަންނަވާއިރު އެމަނިކުފާނުގެ އަރިހުގައި މަޖިލިސް މެމްބަރުން ވެސް ބައިވެރިވަމުން ގެންދެއެވެ.