އެމްޑަބްލިއުއެސްސީގެ އެމްޑީ ޝާހް
3000 ޓަނުގެ ފެން އުފެއްދޭ ޕްލާންޓެއް ގެންނަނީ!
އަހުމަދު ޒަލީފު - 09 ޖެނުއަރީ 2023 - 19:20
3000 ޓަނުގެ ފެން އުފެއްދޭ ޕްލާންޓް ގެނައުމަށް މަސައްކަތް ކުރަމުން އަންނަކަމަށް އެމްޑަބްލިއުއެސްސީގެ މެނޭޖިން ޑިރެކްޓަރ ހަސަން ޝާހް ވިދާޅުވެއްޖެއެވެ.
އަދި އެ ޕްލާންޓް ގެންނަނީ ސިންގަޕޫރުން ކަމަށާއި އެޚިދުމަތް ދެވޭނެކަމަށް އަންދާޒާ ކުރަނީ އަންނަ އޯގަސްޓްމަހުކަމަށްވެސް ޝާހް ވިދާޅުވިއެވެ.
މާލޭގައި ފެނުގެ ޚިދުމަތް ފޯރުކޮށްދިނުމަށްޓަކައި މިހާރުވެސް 20000 ޓަނުގެ ފެން އުފައްދާ. ދުވާލެއްގެ މައްޗަށް 18000 ޓަނުގެ ފެން ބޭނުން ކުރޭ. މީގެ އިތުރަށް ހުޅުމާލޭގެ އާބާދީ އިތުރުވަމުން އަންނަގޮތުން ފެނުގެ ޑިމާންޑް އަންނަނީ ބޮޑުވަމުން. މިހާރުވެސް ދުވާލެއްގެ މައްޗަށް 11000 ޓަނުގެ ފެން ރައްޔިތުން ބޭނުން ކުރަމުން އާދޭ - ޝާހް
މާލޭގައި ފެނުގެ ޚިދުމަތް ފޯރުކޮށްދިނުމަށްޓަކައި މިހާރުވެސް 20000 ޓަނުގެ ފެން އުފައްދަމުން އަންނަކަމަށާއި ދުވާލެއްގެ މައްޗަށް 18000 ޓަނުގެ ފެން ބޭނުން ކުރަމުން އަންނަކަމަށެވެ. މީގެ އިތުރަށް ހުޅުމާލޭގެ އާބާދީ އިތުރުވަމުން އަންނަގޮތުން ފެނުގެ ޑިމާންޑް ބޮޑުވަމުން އަންނަކަމަށާއި މިހާރުވެސް ދުވާލެއްގެ މައްޗަށް 11000 ޓަނުގެ ފެން ރައްޔިތުން ބޭނުން ކުރަމުން އަންނަކަމަށެވެ.
ޝާހް ވިދާޅުވީ އެތަނުގައި ޓޭންކްތައް ހެދުމަށްޓަކައި މިހާރު ބަޔަކާ ހަވާލުކޮށް އެ މަސައްކަތް ފެށުމަށް ކުރަންޖެހޭ މަސައްކަތްތައް ކުރަމުން އަންނަކަމަށެވެ. އަދި އެތަނުގައި 13000 ޓަނުގެ ފެން އުފެއްދޭވަރުގެ 2 ޓޭންކް ބެހެއްޓުމަށް ހަމަޖެހިފައިވާ ކަމަށްވެސް ވިދާޅުވިއެވެ.
ގުޅުން ހުރި ޙަބަރުތައް
