މިއަދު ދަރަނި ދައްކަންޖެހުނަސް ފައިސާ އެބަހުރި: ރައީސް

މިއަދު ދަރަނި ދައްކަންޖެހުނަސް ފައިސާ އެބަހުރި ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.

މިއަދު ރައީސް އޮފީހުގައި ބޭއްވި ނޫސްވެރިންެގެ ބައްދަލުވުމުގައި ރައީސް ވިދާޅުވީ ދައުލަތުގެ ގްރޮސް ރިޒާވް މިހާތަނަށް 1.7 ބިލިއަން ޑޮލަރަށް އަރާފައިވާ ކަމަށެވެ.

ރައީސް ވިދާޅުވީ ދައުލަތުން ދައްކަންޖެހޭ ދަރަނި ދައްކަން އެސްޑީއެފްގައި އެކަށީގެންވާ ވަރަށް ފައިސާ އެބަހުރިކަމަށެވެ.

2026 ވަނަ އަހަރުގެ އޭޕްރިލް މަހުގެ 8 ވަނަ ދުވަހު ދައުލަތުން ދައްކަންޖެހޭ ސުކޫކު ދައްކަން 600 މިލިއަން ޑޮލަރު ހުރި ކަމަށް ރައީސް ވިދާޅުވިއެވެ.

ރޭގެ ނިޔަލަށް އެސްޑީއެފްގައި 300 މިލިއަން ޑޮަލަރު ރައްކާކޮށްފައި ހުރިކަމަށް ރައީސް ވިދާޅުވިއެވެ.

ރައީސް މުއިއްޒު ވިދާޅުވީ 650 މިލިއަން ޑޮލަރުގެ ތެރެއިން 320 މިލިއަން ޑޮލަރު ހުރީ ސޮވަރިން ޑިވެލޮޕްމަންޓް ފަންޑް (އެސްޑީއެފް) ގައި ކަމަށެވެ. ބާކީ ފައިސާއަކީ ޔޫސަބަލް ރިޒާވުގައި ބޭނުންކުރެވޭ ގޮތަށް ހުރި ފައިސާ އެވެ