ދިރާސީ އައު އަހަރުގެ ތަހުނިޔާ ހުރިހައި ދަރިވަރުންނަށް އަރިސްކުރަން- ރައީސް ސާލިޙް

މިއަދު ފެށިގެންދިޔަ ދިރާސީ އައު އަހަރުގެ ތަހުނިޔާ އެންމެހާ ދިވެހި ލޮބުވެތި ރައްޔިތުންނަށް އަރިސްކުރާ ކަމަށް ކުރީގެ ރައީސް އިބްރާހިމް މުހައްމަދު ސާލިޙް ވިދާޅުވެއްޖެ އެވެ

ރައީސް ސާލިޙް ދިރާސީ އައު އަހަރުގެ ތަހުނިޔާ އެންމެހައި ފަރާތްތަކަށް އަރިސްކޮށްފައި ވަނީ އެމަނިކުފާނުގެ ރަސްމީ އެކްސް އެކައުންޓް މެދުވެރިކޮށެވެ.

ރައީސް ސާލިޙް ގެ މެސެޖުގައި ދިރާސީ އާ އަހަރުގެ ކިޔެވުމުގައި އުފާވެރި ކަމާއި، ދަރިވަރުންގެ ކާމިޔާބާއި ކުރިމަގަށް އުންމީދު ކުރައްވާ ކަމުގައި ވިދާޅުވެފައިވެ އެވެ.

ސްކޫލުތަކުގެ ޗުއްޓީ ނިމި ދިރާސީ އާ އަހަރެއްގެ ކިޔެވުން މިއަދު ފެށިފައިވާއިރު މި ސަރުކާރުން އެންމެ ބޮޑު އިސް ކަމެއްދެއްވަނީ ދަރިވަރުންގެ ކިޔެވުމާޢި، ތައުލީމީ ދާއިރާއަށް ކަމަށް ރައީސުލް ޖުމްހޫރިއްޔާ ޑރ.މުހައްމަދު މުއިއްޒުވެސް ވަނީ ވިދާޅުވެފަ އެވެ.

މިސަރުކާރުން ހުޅުމާލެ 2 ވަނަ ފިޔަވަހީގައި ތަރައްގީ ކުރި ޝަހީދު އަލީ ސްކޫލް ހުޅުވައިދެއްވުމުގެ ރަސްމިއްޔާތުގައި ބައިވެރިވެ ވަޑައިގެން ރައީސް ވަނީ ބެލެނިވެރިން ދަރިވަރުންގެ ދުވަސް ފަތިސް ނަމާދުން ފަށަން ދަރިވަރުން ބައްޓަން ކުރުމަށް ރައީސް ވަނީ އިލްތިމާސް ކުރައްވާފައެވެ.

އިސްލާމްދީނުގައި ކަންކަން ބަޔާންކޮށްފައި އޮންނަނީ ވަރަށް މާތް މަގްސަދެއްގައި ކަމަށް ރައީސް ވިދާޅުވިއެވެ. އެކަންކަމަކީ ހަމައެކަނި ފޮތެއްގައި ލިޔެވިފައި އޮންނަން ޖެހޭ ކަންކަން ނޫންކަމަށް އެމަނިކުފާނު ވިދާޅުވިއެވެ. ދީނުގެކަންކަން އޮންނަނީ އަމަލީ ގޮތުން ކޮންމެ ދުވަހަކު ކަންކަން ކުރުމަށް ކަމަށް ރައީސް ވިދާޅުވިއެވެ.