ބަލްމާ ދޯނި ބްނަޑުން ޖަހާލި ހާދިސާ- މިހާތަނަށް 6 ލައްކައަށް ވުރެ ގިނަ ރުފިޔާ ހޭދަވެއްޖެ

މި މަހުގެ 18 ވަނަ ދުވަހު ބަންޑުން ޖަހާލި ބަލްމާ 6 ނަމަކަށް ކިޔާ ދޯނި ފުން ކުރުމަށް މިހާތަނަށް 6 ލައްކަ އަށް ވުރެ ގިނަ ރުފިޔާ ހޭދަވެއްޖެ އެވެ.

'އަސްލު' އަށް އެނގިފައިވާ ގޮތުގައި ބަލްމާ 6 ދޯނި މިހާރު ވަނީ ފުންކޮށްފަ އެވެ.

"މިހާރު އެ ދޯނި ވާނީ އެއްކޮށް ފުން ކުރެވިފަ. ދޯނި އަދިވެސް އެއޮތީ ފަރު މަތީގަ. އަދި މިއުޅެނީ އެ ދޯނި މަރާމާތުކުރަން އެސަރަހައްދުން އެއްގަމު ހިސާބަކަށް ނުގެނެވިގެން. މިހާރުވެސް 6 ލައްކަ އަށްވުރެ ގިނަ ރުފިޔާ މި ކަމަށް ހޭދަ ވެއްޖެ." ދޯނި ފުން ކުރުމުގެ މަސައްކަތުގައި އަމަލީ ގޮތުން ބައިވެރި އެ ދޯނި ނިސްބަތްވާ ކުންފުނީގެ މީހަކު ކިޔައިދިނެވެ.

ހުޅުމާލެއިން ފުރައިގެން ދޮންމާގާއަށް ދަތުރުކުރި ބަލްމާ 6 ދޯނި ވާދޫ ކަނޑުގެ ތާޖް އެގްޒޯޓިކާ ރިޒޯޓު ކައިިރިއަށް ބަންޑުންޖަހާލި ކަމުގެ ހާދިސާ އެމްއެންޑީއެފުން ރިޕޯޓްކޮށްފަައިވަނީ 18 ވަނަ ދުވަހުގެ ހެނދުނު 8:30 ހާއިރު އެވެ.

ބަންޑުން ޖަހާލި މި ދޯނިން ދަތުރު ކުރި ދެ މީހަކު ގެއްލިގެން އެމްއެންޑީއެފްގެ ކޯސްޓްގާޑުން ވަނީ މަސައްކަތް ފަށާފަ އެވެ.

ގެއްލުނު ދެ މީހުންނަކީ ދިވެހި ފިރިހެނަކާއި، ބަންގުލަދޭޝް އަށް ނިސްވަތްވާ ބިދޭސީ ފިރިހެކެވެ. އޭގެ ތެރެއިން ދިވެހި މީހާ މޫދުގައި މަރުވެފައި އޮއްވާ ވަނީ ފެނިފަ އެވެ. ނަމަވެސް ބިދޭސީ މީހާ އަދިވެސް މިހާތަނަކަށް ފެނިފަ އެއް ނުވެ އެވެ.