ޙަމާސްގެ މުޖާހިދުންނަށް މަޢާފު ދިނުމުގެ އަޑުފެތުރިއްޖެ

ހަމާސް ޖަމާއަަތުގެ މުޖާހިދުންނަށް މާފުކުރުމުގެ އަޑުތަކެއް ފެތުރިއްޖެ އެވެ.

ފަލަސްޠީނުގެ މިނިވަން ކަމަށް ޖިހާދު ކުރާ ޙަމާސް ޖަމާޢަތުގެ މުޖާހިދުންގެ ތެރެއިން ހަތިޔާރު ބެހެއްޓުމަށް އެއްބަސްވާ މުޖާހިދުންނަށް މަޢާފު ދިނުމުގެ ފުރުޞަތު އޮތް ކަމުގައި އެމެރިކާ ސަރުކާރުގެ އިސް އޮފިޝަލަކު ވަނީ ހާމަކޮށްފަ އެވެ.

ހަމާސް ޖަމާއަތުން ވަނީ އެޖަމާއަތުން ރަހީނު ކޮށްފައި ތިބި ޔަހޫދީ އަސީރުންގެ ތެރެއިން އެންމެ ފަހު މީހާގެ ހަށިގަނޑު ފެނިފައިވާ ކަން އިޢުލާނުކޮށްފަ އެވެ.

ފަލަސްޠީނުގެ ޣައްޒާގެ ރައްޔިތުންގެ ނަސްލުހޭދު ކުރުމަށް ޔަހޫދީން ހިންގަމުން ދިޔަ ޤަތުލުޢާންމު މެދުކަނޑައިލާފައި ވަނީ ހުސްވި އަހަރުގެ އޮކްޓޫބަރު މަހުގެ 10ވަނަ ދުވަހުއެވެ. އެއާ އެކު، ޙަމަލާ ބަދަލު ކުރުން މެދުކަނޑައިލައި، އަސީރުން ބަދަލު ކުރުމަށް ވެސް ޙަމާސާއި ޔަހޫދީންނާ ދެމެދު އޮތީ އެއްބަސްވެފައެވެ.

ހަމާސް ޖަމާއަތުން ވަނީ އެ ޖަމާޢަތުން ރަހީނު ކޮށްފައި ތިބި އަސީރުންގެ ތެރެއިން ދިރިތިބި މީހުން މިނިވަންކޮށް، މަރުވި އަސީރުންގެ ހަށިތައް ޙަވާލު ކުރަން ފަށާފައެވެ.

ހަމާސް ޖަމާއަތުން ހަތިޔާރު ބެހެއްޓުމުން މާފު ލިބިދާނެ ކަމަށް އަޑު ފަތުރާފައިވާއިރު ހަމާސް ޖަމާއަތުން ހަތިޔާރު ބަހައްޓާފައިވާ ކަމަށްވެސް ވަނީ އަޑުތަކެއް ފެތުރިފަ އެވެ. ނަމަވެސް މިހާތަނަށް ހަމާސް ޖަމާއަތުން އެކަން އެއްވެސް މިންވަރަކަށް ހާމަކޮށްފައެއް ނުވެއެވެ.