ޓޭލަރ ސުވިފްޓާއި ޓްރެވިސް ކެލްސީ ކައިވެނިކޮށްފި

މަޝްހޫރު ލަވަކިޔުންތެރިޔާ ޓޭލަރ ސުވިފްޓާއި ޓްރެވިސް ކެލްސީ ރަސްމީކޮށް ކައިވެނިކޮށްފިއެވެ.

އިއްޔެގެ ލިބުނު ރިޕޯޓުތަކުން ކަށަވަރުވާ ގޮތުގައި، މި ދެމަފިރިން ކައިވެނިކުރީ ނިއުޔޯކްގެ މެޑިސަން ސްކޮޔަރ ގާޑަންގައެވެ. މިއީ މަޝްހޫރު ގިނަ ފަންނާނުންތަކެއް ބައިވެރިވި ނަމަވެސް، އާއިލާ އާއި ގާތް ރަހުމަތްތެރިންނަށް އެކަނި ބޭއްވި ހާއްސަ ރަސްމިއްޔާތެކެވެ.

އާދައިގެ ކައިވެނިތަކާ ހިލާފަށް، ޓޭލަރގެ "މޭން އޮފް އޮނަރ" ގެ ގޮތުގައި ހުރީ އޭނާގެ ބޭބެ އޮސްޓިން ސުވިފްޓެވެ. އަދި ޓްރެވިސްގެ "ބެސްޓް މޭން" އަކީ އޭނާގެ ބޭބެ ޖޭސަން ކެލްސީއެވެ. މި ކައިވެނީގެ ރަސްމިއްޔާތު ކުރިއަށް ގެންގޮސްދިނީ މަޝްހޫރު އެކްޓަރު އަދި ކޮމެޑީއަން އެޑަމް ސޭންޑްލަރއެވެ. މީގެ ސަބަބުން މި ހަފުލާ އިތުރަށް ހާއްސަވެ، ގިނަ ބައެއްގެ ހަނދާނުގައި ހުންނާނެ ފަދަ ކަމަކަށް ވެގެންދިޔައެވެ.

މި ރަސްމިއްޔާތުގައި ދެ ފަރާތުގެ އާއިލާ އާއި، ގާތް ރަހުމަތްތެރިންގެ އިތުރުން ފަންނީ ދާއިރާގެ މަޝްހޫރު ފަރާތްތަކާއި ކުޅިވަރު ތަރިން ބައިވެރިވިއެވެ. މިއީ މި ހަފުތާގެ އެންމެ ބޮޑު މުނިފޫހިފިލުވުމުގެ ހަބަރަށް ވަނީ ވެފައެވެ. މީސްމީޑިއާގައި ސަޕޯޓަރުން އަންނަނީ މިއީ ހަގީގީ ދިރިއުޅުމުގެ "ކާމިޔާބު ވާހަކައެއްގެ" ގޮތުގައި ސިފަކޮށް އުފާފާޅުކުރަމުންނެވެ.

ދުނިޔޭގެ މަޝްހޫރު ލަވަކިޔުންތެރިޔާ ޓޭލަރ ސުވިފްޓާއި އެން.އެފ.އެލް ތަރި ޓްރެވިސް ކެލްސީއަކީ ފަހަކަށް އައިސް އެންމެ ގިނަ ބައެއްގެ ސަމާލުކަން ހުއްޓިފައިވާ ޖޯޑެވެ. 2023 ވަނަ އަހަރުން ފެށިގެން އެމީހުންގެ ގުޅުން އާންމުންނަށް އެނގި، ކުޅިވަރު މައިދާންތަކާއި ކޮންސަރޓްތަކުގެ އިތުރުން ބޮޑެތި އެކި ހަފުލާތަކުން އެކުގައި ފެންނަމުން ދިޔައެވެ.

މިހާރު ކައިވެނި ކަށަވަރުވުމާއެކު، ސަޕޯޓަރުން ދަނީ އެމީހުންގެ ލޯބީގެ އާ ބާބެއް ފެށުނީތީ މަރުހަބާ ކިޔަމުންނެވެ. ޓޭލަރ ސުވިފްޓާއި ޓްރެވިސް ކެލްސީގެ މި ކައިވެންޏަކީ 2026 ވަނަ އަހަރުގެ އެންމެ ފާހަގަކޮށްލެވޭ އެއް ހަފުލާގެ ގޮތުގައި މިހާރުވެސް ވަނީ ބެލެވިފައެވެ.