ރައީސުލްޖުމްހޫރިއްޔާ ޑރ. މުހައްމަދު މުއިއްޒުގު ވެރިކަމުގެ ޒިންމާތަކާއި ހަވާލުވެވަޑައިގެންނެވި ފަހުން ފާއިތުވި 52 ހަފްތާގެ ތެރޭގައި އާއްމު ފަރުދުންގެ ދިރިއުޅުމަށް ހެޔޮ ބަދަލުތަކެއް އައިސްފައިވާ ކަމަށް މޫސުމީ ބަދަލުތަކާއި ތިމާވެށްޓާއި ހަކަތައާއި ބެހޭ ވަޒީރު އިބްރާހީމް ތޯރިގް ވިދާޅުވެއްޖެއެވެ.
ފާއިތުވި 52 ހަފްތާގެ ތެރޭގައި އެ ވުޒާރާއިން ކުރި މަސައްކަތާ ގުޅޭގޮތުން ވަޒީރު ދެއްވި ތަގުރީރުގައި ވިދާޅުވީ ފާއިތުވި ހަފްތާތަކުގައި ރާއްޖޭގެ ތަރައްގީއާއި އާއްމު ފަރުދުންގެ ދިރިއުޅުމަށް ނުހަނު ބޮޑު ހެޔޮ ބަދަލުތަކެއް އައިސްފައިވާ ކަމަށެވެ. އެގޮތުން، މި ސަރުކާރުން، ރާއްޖޭގައި ފާއިތުވީ އަހަރުތަކުގައި ފަރުވާކުޑަވެފައިވާ ވަރަށް ގިނަ ކަންކަން ރަނގަޅުކޮށް، އިސްލާހީ ބޮޑެތި ބަދަލުތަކެއް ގެންނަމުންދާ ކަމަށް ވަޒީރު ވިދާޅުވިއެވެ.
ފާއިތުވި 52 ހަފްތާގެ ތެރޭގައި މި ވުޒާރާއިން ކުރި މަސައްކަތާ ގުޅޭގޮތުން ވަޒީރު @Thoriqibrahim ދެއްވި ބަސްދީގަތުން.#haftha52@presidencymv pic.twitter.com/W2kBGKYPYZ
— Min. of Climate Change, Environment and Energy (@MoEnvmv) November 11, 2024
"މި ސަރުކާރުން މިދަނީ ރާއްޖޭގައި މީގެކުރިން ފާއިތުވީ އަހަރުތަކުގައި ފަރުވާކުޑަވެފައިވާ ވަރަށް ފިނަ ކަންކަން ރަނގަޅުކޮށް، އިސްލާހީ ބޮޑެތި ބަދަލުތަކެއް ގެންނަމުން." ވަޒީރު ވިދާޅުވިއެވެ.
ވަޒީރު ވިދާޅުވީ ރައީސްގެ އިރުޝާދާ ލަފާފުޅުގެ މަތިން، ގިނަ މަސައްކަތްތަކެއް އެ ވުޒާރާއިން ވެސް ހޯދާފައިވާ ކަމަށެވެ.
