ދިއްދޫ މަގު ހެދުމުގެ 50 އިންސައްތަ ނިމިއްޖެ
ޝުރުފާ މުހައްމަދު - 27 ޖެނުއަރީ 2025 - 14:05
ހއ. ދިއްދޫގެ މަގު ހެދުމުގެ މަޝްރޫޢުގެ 54 އިން ސައްތަ މަސައްކަތް ނިމިފައިވާ ކަމަށް އެ މަޝްރޫއު ކުރިއަށް ގެންދާ ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ބުނެފި އެވެ.
ދިއްދޫގެ މަގުތައް ތަރައްޤީ ކުރުމުގެ މަސައްކަތް އެ ކޯޕަރޭޝަނުން ފަށާފައިވަނީ 2022 ވަނަ އަހަރުގެ އޭޕްރިލް މަހުގެ ތެރޭގަ އެވެ. ނަމަވެސް ތަފާތު އެކި ސަބަބުތަކާއި ހުރެ މި 2023 ވަނަ އަހަރުގެ ފަހުކޮޅު މި މަޝްރޫޢޫގެ މަސައްކަތް އޮތީ މަޑުޖެހިފައި ކަމަށް އެ ކުންފުނިން ބުނެފައި ވެއެވެ.
އެ ކުންފުނިން ބުނިގޮތުގައި ރާއްޖޭގެ ރަށްތަކުގެ ތަރައްޤީއަށް ހިންގޭ މަޝްޜޫޢުތަކުގެ މަސައްކަތް ހަލުވި ކަމާއެކު ކުރިއަށް ގެންދިޔުމަށް ޚާއްސަ އިސްކަމެއް ދީގެން މި ސަރުކާރުން އެކުލަވާލި ސިޔާސަތު ދަށުން ދިއްދޫގެ މަގުތައް ހެދުމުގެ މަޝްރޫޢު މަސައްކަތް ބާރު ސްޕީޑުގައި ކުރިއަށް ގެންދިޔުން އަލުން ފަށައިގަނެވުނީ 2024 ކުރީ ކޮޅުގައި ކަމަށެވެ.
ދިއްދޫގެ މަގު ހެދުމުގެ މަޝްރޫޢުގެ އަމަލީ މަސައްކަތުގެ 54 އިން ސައްތަ ނިމިފައިވާއިރު، ކޮނެގެން ކުރައްޖެހޭ މަސައްކަތްތަކުގެ ތެރޭގައި ހިމެނޭ ކޭބަލް ޖަންކްޝަން ބެހެއްޓުމާއި ހޮޅި އެޅުމުގެ އިތުރުން ސްޓޯރމް ވޯޓަރ ނެޓްވޯކް އެޅުންފަދަ މަސައްކަތްތަކުގެ ބޮޑު ބައެއްވަނީ ނިމިފައިވާ ކަމަށް އެ ކުންފުނިން ބުނެއެވެ.
މީގެ އިތުރުން ހއ. އިހަވަންދޫގެ މަގުތައް ޒަމާނީ ފެން ވަރަށް ތަރައްޤީ ކުރުމުގެ މަޝްރޫޢުގެ 25 އިން ސައްތަ މަސައްކަތްވެސް މިހާރު ނިމިފައިވާ ކަމަށް ކުންފުނިން ބުނެފައި ވެއެވެ. 2023 ވަނަ އަހަރު އެ ކުންފުންޏާ ޙަވާލު ކުރެވުނު އިހަވަންދޫގެ މަގުތައް ތަރައްޤީ ކުރުމުގެ މަޝްރޫޢުގެ ޢަމަލީ މަސައްކަތް ފަށާފައިވަނީ 2024 ވަނަ އަހަރުގެ ފެބްރުއަރީ މަހުގައެވެ.
އިހަވަންދޫ މަގު ހެދުމުގެ މަޝްރޫއުގައި މިހާރު ކުރަމުން އަންނަ މަސައްކަތްތަކުގެ ތެރެއިން ކޭބަލް ޖަންކްޝަން ނެޓްވޯކް އެޅުމުގެ 75 އިން ސައްތަ މަސައްކަތްވަނީ ނިމިފައެވެ. މީގެ އިތުރުން ކޮނެގެން ކުރަންޖެހޭ އެހެނިހެން މަސައްކަތްތައް ވެސް ދަނީ ކުރަމުންނެވެ.
ގުޅުން ހުރި ޙަބަރުތައް
