ހުޅުމާލޭގައި ގިނަ އަދަދެއްގެ ބަނގުރާ ފުޅިތަކަކާއެކު މީހަކު ހައްޔަރުކޮށްފި!

ހުޅުމާލޭގައި ގިނަ އަދަދެއްގެ ބަނގުރާ ފުޅިތަކަކާއެކު މީހަކު ހައްޔަރުކޮށްފި އެވެ

ސޯޝަލް މީޑިޔާގައި އާންމުވެފައިވާ ވީޑިއޯއަކުން ފެންނަ ގޮތުގައި ގިނަ އަދަދެއްގެ ބަނގުރާ ފުޅި ތަކަކާއެކު މަގުމަތީގައި މީހަކު ހުންނަ މަންޒަރު ފެނެ އެވެ. ވީޑިއޯއިން ފެންނަނީ ދެ މީހަކު ބަނގުރާ ފުޅިތަކަކާއެކު ހިފަހައްޓައި ފުލުހުން ސުވާލުކުރާ މަންޒަރެވެ.

މަގުމަތީގައި ބަނގުރާ ފުޅިތައް ބަހައްޓާފައިވާއިރު އެ ސަރަހައްދުގައި ފުލުހުން ހަރަކާތްތެރިވަމުން އަންނަތަން ވެސް ފެނެ އެވެ. ބެލެވޭ ގޮތުގައި އެ ބަނގުރާ ފުޅިތަކަކީ އެ ހައްޔަރު ކުރި މީހާގެ އަތުން އަތުލައި އެތަނުގައި ބަހައްޓާފައި ހުރި ފުޅިތަކެކެވެ.

މި ކަމާއި ގުޅިގެން ފުލުހުން މިހާތަނަކަށް ރަސްމީ ބަހެއް ބުނެފައެއް ނުވެ އެވެ. ނަމަވެސް އެ މައްސަލައާއި ގުޅިގެން މީހަކު ފުލުހުން ހައްޔަރުކުރުމަށްފަހު ބަނގުރާ ފުޅިތަކާއެކު ގެންދިޔަކަން އެނގެ އެވެ.

ފުލުހުން ހައްޔަރުކޮށްފައިވަނީ ދިވެއްސެއްކަމެއް އަދި ބިދޭސީއއެއް ކަމެއް އަދި ސާފެއް ނުވެ އެވެ.