އާސަންދައިން އެންމެ ބޮޑު ހޭދައެއް ކޮށްފައިވަނީ ހަކުރު ބައްޔާއި ލޭމައްޗަށް ދިއުމާ ގުޅޭ ބަލިތަކަށް ކަމަށް ތަފާސް ހިސާބުތަކުން ދައްކައިފިއެވެ.
ލޭ މައްޗަށް ދިއުމުގެ މައްސަލަތަކަށް 2019 ވަނަ އަހަރު 39.8 މިލިއަން ރުފިޔާ އާސަންދައިން ހޭދަކޮށްފައި ވެއެވެ. އަދި 2020 ވަނަ އަހަރު ހަމަ އެ ބައްޔަށް ކުރި ހަރަދު 78.7 މިލިއަން ރުފިޔާއަށް އިތުރުވެފައިވާ ކަމަށް އާސަންދަ ކުންފުނިން ހާމަކޮށްފައި ވެއެވެ.
ހަކުރު ބައްޔަށް 2021 ވަނަ އަހަރު 101 މިލިއަން ރުފިޔާ ހޭދަ ކޮށްފައިވާއިރު، ޖެހިގެން އައި 2022 ވަނަ އަހަރު 152.9 މިލިއަން ރުފިޔާ އަދި މިދިޔަ އަހަރު 164.7 މިލިއަން ރުފިޔާ ހޭދަކޮށްފައިވެއެވެ.
މީގެ އިތުރުން ކޮލެސްޓްރޯލް މައްޗަށް ދިޔުމުގެ މައްސަލަތަކާއި ކިޑްނީ ބަލިތަކާއި އާއްމު ރޯގާއަށް ވެސް މިލިއަނުން ހަރަދުކޮށްފައިވާ ކަމަށް އާސަންދައިން ބުނެފައިވެއެވެ.
