ހދ. ވައިކަރަދޫ ކައުންސިލްގެ ހުސްވެފައިވާ އަންހެން މެމްބަރުގެ ގޮނޑިއަށް މެމެބްރަރަކު އިންތިހާބު ކުރުމަށް މިއަދު ކުރިއަށް ގެންދިޔަ ބައި އިލެކްޝަން އެމްޑީޕީގެ ކެންޑިޑޭޓް، ފާތިމަތު ޝިޒްނާ ކާމިޔާބުކޮށްފިއެވެ.
މި އިންތިހާބު ޝިޒްނާ ކަމިޔާބުކުރީ އަދާލަތު ޕާޓީގެ ފަރާތުން މި ގޮނޑިއަށް ވާދަކުރެއްވި ފާތިމަތު ނަޒްލާއާއި ވާދަކޮށް ހަނި ތަފާތަކުންނެވެ.
ކައުންސިލްގެ އަންހެނުންގެ ގޮނޑި އެމްޑީޕީގެ ކެނޑިޑޭޓް ފާތިމަތު ޝިޒްނާ ކާމިޔާބު ކުރީ 283 ވޯޓުންނެވެ. އަދާލަތު ޕާޓީގެ ކެނޑިޑޭޓް ފާތިމަތު ނަޒްލާ އަށް ލިބުނީ 258 ވޯޓެވެ.
މިއަދު ކުރިއަށްގެންދިޔަ އެރަށު އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ގޮނޑި ކާމިޔާބު ކުރީ އަދާލަތު ޕާޓީގެ ފަރާތުން ވާދަކުރެއްވި ފާތިމަތު ޒުނައިނާއެވެ.
އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ގޮނޑި އަދާލަތުގެ ފާތިމަތު ޒުނައިނާ ކާމިޔާބު ކުރީ 376 ވޯޓުންނެވެ. އޭނާއާ ވާދަކުރި އެމްޑީޕީގެ ކެންޑިޑޭޓް ރަމްޒިއްޔާ އިބްރާހިމަށް ލިބުނީ 163 ވޯޓެވެ.
