"ޝޭޑްސް އޮފް މައިންޑް" ގެ ނަމުގައި ކުރިޔަށް ގެންދެވުނު އާޓް އެގްޒިބިޝަން ނިންމާލައިފިއެވެ.
މި އާޓް އެގްޒިބިޝަން ކުރިޔަށް ގެންދިޔައީ ދުނިޔޭގެ ނަފްސާނީ ސިއްހަތުގެ ދުވަހާ ގުޅިގެންނެވެ.
މި އެގްޒިބިޝަން ބާއްވާފައިވަނީ ނޮވެމްބަރު މަހުގެ 12 އިން 17 ވަނަ ދުވަހުގެ ނިޔަލަށް ނެޝަނަލް އާޓް ގެލެރީގައެވެ.
މި އާޓް އެގްޒިބިޝަންގެ މައިގަނޑު މަގްސަދަކީ ފަންނުވެރިކަމުގެ ތެރެއިން ނަފްސާނީ ހޭލުންތެރިކަން އިތުރުކުރުމާއި، ނަފްސާނީ ދުޅަހެޔޮކަމުގެ މުހިއްމުކަން ގެނެސްދިނުން ކަމަށް ފަންނާއި ބެހޭ ވުޒާރާއިން ބުނެއެވެ.
ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވުޒާރާއިން ބުނީމި އެގްޒިބިޝަންގައި ޖުމްލަ 51 މީހުން ބައިވެރިވިކަމަށެވެ. އަދި ނިންމުމުގެ ރަސްމިއްޔާތުގައި ބައިވެރިންނަށް ކެޓްލޮގް ވެސް ހަވާލުކޮށްފައިވާކަން ފާހަގަކޮށްފައިވެއެވެ.
