ސަރުކާރު ހިންގާ މައި ޕާޓީ ޕްރޮގެރެސިވް ކޮންގްރެސް ކޯލިޝަން (ޕީއެންސީ) ގެ އެތެރޭގެ އިންތިހާބު ނިންމާލައިފިއެވެ.
މި އިންތިހާބުގައި ޕާޓީގެ 59 މަގާމަކަށް މެމްބަރުން އިންތިހާބު ކޮށްފައިވެއެވެ. އަދި މި އިންތިހާބުގައި ވޯޓް ލުން ފެށީ ހެނދުނު 10:00 ޖެހިއިރެވެ.
މާލޭގައި ވޯޓް ލުން ކުރިއަށް ގެންގޮސްފައިވަނީ ދަރުބާރުގޭގައެވެ. ހުޅުމާލޭގައި ވޯޓް ލުން ކުރިއަށް ގެންގޮސްފައިވަނީ ރެހެންދި ސްކޫލްގައެވެ.
ވެރިކަމަށް އައި އިރު ޕްރޮގްރެސިވް ނޭޝަނަލް ކޮންގްރެސްއަކީ 3،000 މެމްބަރުން ހަމަނުވާ ޕާޓީއެއް ކަމަށާއި، ނަމަވެސް ވެރިކަމަށް އަހަރު ނުވަނިސް، މިއަދު ބޭއްވި އިލެކްޝަންސް ކޮމިޝަންގެ ދަފްތަރުގައި 64،000 ވަރަކަށް މެމްބަރުން އެބަތިބި ކަމަށް ޕީއެންސީ ޕާލިމެންޓްރީ ގްރޫޕްގެ ޑެޕިއުޓީ ލީޑަރ އަދި ރައްޔިތުންގެ މަޖިލީހުގެ ވިލިމާލޭ ދާއިރާގެ މެމްބަރު މުޙައްމަދު އިސްމާއިލް ވަނީ ވިދާޅުވެފައެވެ.
ރައީސް ޑރ. މުޙައްމަދު މުޢިއްޒުއާއި، ޕީއެންސީގެ އަމާޒަކީ ޕާޓީއަށް 75،000 މެމްބަރުން ހަމަކުރުމަށް ކަމަށާއި، ނަމަވެސް ޕާޓީގެ އާންމު މެމްބަރުންނާއި، ސަޕޯޓަރުންގެ އަމާޒަކީ ޕީއެންސީގެ ދަފްތަރު 90،000 އަށް ގެންދިއުމަށް ކަމަށްވެސް މުޙައްމަދު އިސްމާއިލް ވަނީ ވިދާޅުވެފައެވެ.
މިއަދު ނިންމިގެން ދިޔާށް އިންތިހާބުގައި ޕާޓީގެ އެކި މާގަމަުތަކަށް މީޯހުން ވަނީ އިންތިހާބު ކޮށްފައެވެ. އޭގެ ތެރޭގައި ޕާޓީގެ ދާއިރާގެ ރައިސް ގެ މަޤާމަށް އިންތިޚާބު ބާއްވަންޖެހޭ ދާއިރާތަކުގެ ދާއިރާ ރައީސް،
ޕާޓީގެ ދާއިރާ ތަކުގެ ނާއިބު ރައީސް،
ޕާޓިގެ އަންހެނުންގެ ހަރަކާތުގެ ރައީސް،
ޕާޓީގެ ޒުވާނުންގެ ހަރަކާތުގެ ރައީސް،
އަދި މީގެ އިތުރުން ޕާޓީގެ ސްޓިއަރިންގ ކޮމިޓީގެ އެހެނިހެން މަޤާމުތައް ހިމެނެއެވެ.
މި އިންތިހާބުގައި ވޯޓުލުމުގެ ހައްގި ލިބިފައިވަނީ 34934 މެންބަރުން އަށް ކަމަށް ޕީއެންސިއިން ބުނެއެވެ.
