ތިލަފުށީގައި ގަވާއިދާ ހިލާފަށް އުޅެމުންދިޔަ 30 އަށް ވުރެ ގިނަ ބިދޭސީން އިމިގްރޭޝަނުން އަތުލައިގެންފިއެވެ.
އިމިގްރޭޝަނުން ކުރި ޕޯސްޓުގައި ބުނީ ގަވާއިދާ ހިލާފަށް އުޅޭ ބިދޭސީންނަށް އަމާޒުކޮށް ޓާސްކްފޯހުން ތިލަފުށީގައި އޮޕަރޭޝަނެއް ހިންގި ކަމަށާއި އެ އޮޕަރޭޝަންގައި އިމިގްރޭޝަންގެ 28 އޮފިސަރުންނާއި 35 ފުލުހުން ބައިވެރިވި ކަަމަށެވެ.
ތިލަފުށީގައި ގަވާއިދާ ހިލާފަށް އުޅޭ ބިދޭސީންނަށް އަމާޒުކޮށް ޓާސްކުފޯހުން އިއްޔެ ހެނދުނު ވަނީ ހާއްސަ ރެއިޑް އޮޕަރޭޝަނެއް ހިންގާފައި. އިމިގްރޭޝަނުގެ 28 އޮފިސަރުންނާއި ފުލުހުންގެ 35 އޮފިސަރުން ބައިވެރިވި މި ރެއިޑުގައި 257 ބިދޭސީއަކު ވަނީ ޗެކްކޮށްފައި. މީގެތެރެއިން ސައްހަ ވިސާއެއް… pic.twitter.com/4F3axOsv5b
— Maldives Immigration (@ImmigrationMV) November 22, 2024
އިމިގްރޭޝުން ބުނީ މި އޮޕަރޭޝަންގައި 257 ބިދޭސީން ޗެކްކޮށް، ސައްހަ ވިސާއެއް ނެތި އުޅެމުންދިޔަ 33 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންދިޔަ ކަމަށެވެ. އަދި އޭގެ އިތުރުން 22 ބިދޭސީއަކު އިމިގްރޭޝަނަށް ހާޒިރުވުމަށް ލިޔުމުން ނޯޓިސް ދީފައިވާ ކަމަށް ވެސް އިމިގްރޭޝުން ބުނެއެވެ.
ރާއްޖޭގައި ގަވާއިދާ ހިލާފަށް އުޅޭ ބިދޭސީންނާ ދެކޮޅަށް ފަށާފައިވާ އޮޕަރޭޝަންގެ ތެރެއިން 5،000 ބިދޭސީން ވަނީ ޑީޕޯޓުކޮށްފައެވެ.
