ގައުމިއްޔަތު ކޮލެޖު ހިންގަން ކުރީގެ ސެންޓަރ ފޯ ހަޔާ ސެކަންޑަރީ އެޑިއުކޭޝަން (ސީއެޗްއެސްއީ) އިމާރާތް މަރާމާތުކުރަން ފަށައިފިއެވެ.
ދިވެހި ބަހާއި ސަގާފަތާއި ތަރިކާއާ ބެހޭ ވަޒީރު އާދަމް ނަސީރު އިބްރާހީމް ވިދާޅުވީ، ގައުމިއްޔަތު ކޮލެޖާއި، ދިރާސާކުރާ ގައުމީ މަރުކަޒު ސީއެޗްއެސްއީގެ ކުރީ އިމާރާތުގައި ހިންގުމަށް ހަމަޖެހިފައިވާކަމަށެވެ.
މީގެ އިތުރުން، އެ ކޮލެޖާއި މަރުކަޒު ހިންގުމަށް ސީއެޗްއެސްއީގެ ކުރީ އިމާރާތް މަރާމާތުކުރުމުގެ މަސައްކަތް ކުރަމުން އަންނަނީ، ސިވެކް ޓީމުންކަމަށާއި ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ހަފްތާ 14ގެ ތެރޭގެ ފަހު ހަފްތާ ތެރޭގައި ކިޔެވުން ފެށުމަށް އަމާޒުކުރައްވާކަމަށް ވަޒީރު ވިދާޅުވެފައިވެއެވެ.
ވަޒިރު އިތުރަށް ވިދާޅުވީ، އެ ކޮލެޖުގައި އެންމެ ފުރަތަމަ ކިޔަވައިދޭން ނިންމާފައިވާ މާއްދާއަކީ، ދިވެހި ތާރީހުކަމަށެވެ. އަދި އެ މާއްދާ ކިޔައިިވައިދޭގޮތް އެހެން އިންސްޓިޓިއުޝަންތަކުން ކިޔަވައިދޭގޮތާއި ތަފާތުވާނެކަން ވަޒީރު އާދަމް ނަސީރު ފާހަގަކުރައްވާފައިވެއެވެ.
